«Pandemııa jaǵdaıynda muǵalimderdiń róli, qoǵamdaǵy orny men eńbegi odan ári aıqyndala tústi. Sıfrlandyrý zamanynda muǵalimderdiń IT quzirettiligin arttyrý qajet. Kýrs pedagogterdiń sıfrlyq daǵdysyn jetildirýge baǵyttalǵan. Baǵdarlama Eýropalyq bilim qorymen birlesip ázirlendi. EBQ sarapshysy beınepedagogıka negizderi boıynsha sessııa ótkizip, beınematerıal jasaý boıynsha ádistemesin bólisedi. Kýrs bilim jáne ǵylym mınıstrliginiń www.edu.kz platformasynda ornalastyrylady. Sondaı-aq Microsoft Kazakhstan, Bilim Media Group jáne Kundelik oqytý kýrsy aıasynda pedagogterge arnalǵan beınedárister ázirledi», dedi QR BǴM «О́rleý» biliktilikti arttyrý ulttyq ortalyǵynyń basqarma tóraıymy Ásel Muhametjanova.
Qazaqstandyq muǵalimder Fınlıandııa men Ońtústik Koreıanyń bilim berý prosesine ınnovasııalyq tehnologııalardy ıntegrasııalaý tájirıbesimen tanysady. Kýrsta sıfrlyq bilim berý tehnologııalaryn paıdalana otyryp, pedagogterge sabaqty jobalaý ádistemesin úıretedi. Sondaı-aq ustazdar ActivStudio, Pictochart, Jamboard, Prezi, Flippity sandyq baǵdarlamalaryn kásibı túrde meńgerip, ulttyq bilim berý derekqorynyń resýrsyn paıdalanýdy úırenedi.
Onlaın-kýrstar 2 tamyzda bastalyp, 31 qazanǵa deıin jalǵasady.
