Aımaqtar • 15 Shilde, 2021

Úsh jigittiń bastamasy Almatynyń aýasyn tazartýǵa arnalǵan

66 ret kórsetildi

Almaty jastarynyń startapy sanalatyn Blue Sky Energy elektrtaksı qyzmeti qazirgi tańda qalada jap-jaqsy suranysqa ıe bolyp keledi.

Bul bastama 2020 jyldyń qazan aıynda qolǵa alynǵan bolatyn. Joba qys boıy Medeý-Shymbulaq baǵyty boıynsha belsendi jumys istedi, al keıinirek elektromobılderdegi taksı jumysy búkil qalany qamtydy. Qazir kompanııa klıentteriniń qatarynda qonaqúıler, kompanııalar, jeke tulǵalar bar. Kompanııa jumysqa kiriskeli beri ekologııalyq kólikte 30 myńnan astam jolaýshyny tasymaldady. Jolaýshylardyń basym bóligi – Qazaqstannyń ózge óńirlerinen, TMD elderinen kelgen qonaqtar men sheteldik týrıster.

«Bizdiń joba Almaty aýasyndaǵy kómirqyshqyldyń kólemin 200 kılodan astam tómendetýge múmkindik beredi jáne jyl saıyn ekotasymaldy qamtýdy ulǵaıtýdy josparlap otyrmyz. Negizgi maqsatymyz – elektromobılderdiń artyqshylyǵyn kórsetý. Bizdiń kólikter aýaǵa zııandy gazdardy shyǵarmaıdy, dybyssyz jáne tehnıkalyq qyzmet kórsetýi de qıyndyq týdyrmaıdy ári únemdi. Elektromobılde 100 shaqyrym júristiń baǵasy úıde qýattalǵanda bar bolǵany 250 teńge turady. Sonymen qatar bul avto­mobılder úshin kólik salyǵy, lı­senzııalyq alym joq, alǵashqy tirkeý kezinde 50% jeńildik qoldanylady. Sondaı-aq, elektromobılde motor joq, sáıkesinshe janar-jaǵarmaımen júretin avtomobıldermen salystyrǵanda maı men basqa da materıaldarǵa shyǵyn az ketedi», – deıdi kompanııanyń quryl­taıshysy Áýez Tólegenov.

Úsh jigit uıymdastyrǵan Blue Sky Energy startapyna 100 mln teńgege jýyq qarajat salynǵan. Olar kompanııa halyq-­
aralyq áýejaı aýmaǵynda qyzmet kórsetý úshin 9 elektromobıl satyp aldy, qala boıynsha 5 qýattaý stansııasyn ornatty. Al 2020 jyly Qoldaý kásipkerlik orta­ly­ǵy­nyń qoldaýymen «Bıznestiń jol kartasy-2025» memlekettik baǵdarlamasy aıasynda kásipkerlerge elektromobılderge arnalǵan qýattaý stansasyn ornatý úshin 3,2 mln teńge kóleminde qaıtarymsyz grant berildi. Joba 30-dan astam jumys or­nyn ashýǵa múmkindik bergenin atap ótken jón.

«Bizdiń taksopark bir táýlikte óte kóp jolaýshyny tasymaldaıdy. Biz jo­ba ar­qyly adamdar elektrtaksıimen júre alatyn bolsa, onda olar ózderi de elektro­m­obıldi júrgize alatynyn kórsetkimiz ke­ledi. Sonymen qa­tar elektr­­taksıde 1 shaqy­rym júrý kómir­qysh­­qyl gazynyń shyǵa­ryndysyn 1 gramǵa azaı­tady, al jyl­dyq paıdalaný kezinde bul endi gramm emes, tonna bolady. Osylaı­sha, elektro­mobılge aýysyp, almatylyq­tar qala ekologııasyn jaqsartýǵa úles qosa alady. Bolashaq urpaq úshin taza aýa qaldyrý asa mańyz­dy. Kóptegen adam elektromobılderdi aýqatty azamattar alyp keledi dep sanaıdy. Tipti keı adamdar elektromobıldiń sha­ma­men 7 mln teńge turatynyn bilmeıdi. So­ny­men qatar Qazaqstanda qýattaý stan­­sa­larynyń jelisi damymaǵan. Bola­shaqta biz ekologııalyq taza kólik túr­lerine kó­shemiz dep oılaımyn. Bul qazir da­myǵan elderde baıqalyp otyrǵan trend», dedi Áýez Tólegenov.

Kompanııa 2026 jylǵa qaraı eko-taksoparkti 500 elektromobılge deıin kóbeıtip, qýattaý elektr stansalaryn 300-ge deıin ulǵaıtýdy josparlap otyr. Sondaı-aq jobany elimizdiń iri qalalarynda damytý oıda bar. Buǵan qosa, jas kásipkerler Eýropa men AQSh-taǵy elektromobılderge suranystyń artýyna baılanysty shetelden ınvestı­sııa tartýǵa úmitti.

 

ALMATY

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar