Oblystyq polısııa departamenti baspasóz qyzmetiniń málimetinshe, 16 shilde kúni saǵat 01.25-te Pavlodar aýylynyń janynda «Lada Vesta» markaly avtokóligi «ÝAZ» markaly avtokóligimen soqtyǵysqan.
- Jol-kólik oqıǵasy saldarynan «ÝAZ» avtokóliginiń 31 jastaǵy jolaýshysy alǵan jaraqatynan oqıǵa ornynda kóz jumdy. Júrgizýshi jaraqat alyp, Pavlodar qalasynyń aýrýhanasyna jatqyzyldy. Avtokólikter aıyp turaǵyna qoıyldy, - dedi departament ókilderi.
Atalmysh faktige qatysty tekserý júrgizilýde.
Oblystyq densaýlyq saqtaý basqarmasynyń baspasóz qyzmeti Omby tas jolynda jol apatynan zardap shekken úsh adam týraly habarlady. Olardyń biri - 1991 jyly týǵan er adam neırohırýrgııalyq bólimshege jatqyzylǵan.
- Er adamda ashyq bas súıek-mı jaraqaty, mıdyń kontýzııasy jáne tóbe jelke súıeginiń synýy tirkeldi, - dep naqtylady oblystyq densaýlyq saqtaý basqarmasyndaǵylar.
1996 jáne 1994 jyly týǵan zardap shekken eki er adamǵa medısınalyq kómek kórsetilip, úılerine ambýlatorııalyq baqylaýǵa jiberildi.
