2021 jyly maýsymda respýblıkadaǵy bazarlar men dúkenderde qoı etiniń kılogrammy 2,3 myń teńgeden satyldy. Bul ótken jylmen salystyrǵanda 14,4% -ǵa qymbat. Elimizdiń iri qalalary men megapolısteriniń arasyndaǵy eń joǵary baǵalar Nur-Sultanda, Almatyda (kg úshin 2,9 myń teńge) jáne Qaraǵandyda (kg úshin 2,6 myń teńge) baıqaldy. Eń tómengi baǵa - Oral men Petropavlda (kelisi 1,7 myń teńge) boldy. Bul týraly Energyprom.kz saraptama portaly jazdy.
Qazirgi ýaqytta elimizde usaq maldyń analyq tuqymyn eksporttaýǵa tyıym salynǵanyn atap ótken jón. QR Premer-Mınıstriniń resmı saıtyndaǵy málimetke súıensek, Qazaqstanda jylyna 172,4 myń tonna qoı eti óndiriledi. Ishki naryqtyń suranysy 100,7% qamtylǵan. Osy jyldyń tórt aıynda 538 tonna qoı eti negizinen BAÁ, О́zbekstan, Bahreın jáne Reseı Federasııasyna eksporttaldy.
QR Úkimeti múddeli memlekettik organdarmen jáne uıymdarmen birlesip, Qazaqstannyń qoı ósirýshiler Ulttyq qaýymdastyǵynyń tóraǵasy A.Sadyrbaevtyń tiri usaq maldyń eksportyna tolyq tyıym salý týraly usynysyn qarastyryp jatyr. Ishki naryqta qoı etiniń qymbattaýynyń negizgi sebebi retinde maldyń eksporty kórsetilgen.
