«Olımpıada oıyndary - ár sportshynyń ómirindegi eń úlken doda. Ár sportshy kásibı sportqa qadam basqanda olımp shyńyn baǵyndyrýdy kózdeıdi. Sol úshin ter tógip, eńbektenedi.
Osy oraıda, Tokıo Olımpıadasyna attanǵan árbir qazaqstandyq atletke jeńis tileımin, sáttilik tileımin! Olımpıadanyń atmosferasyn sózben jetkizý múmkin emes. Olımpıadanyń rýhyn sol oıynǵa qatysqan adam ǵana sezine alady. Sondyqtan, bar álem ókilderi jınalǵan jarysqa qatysýdyń ózi úlken jeńis ekenin aıtqym keledi.
Bir Olımpıadaǵa qatysqan adam mindetti túrde ekinshi Olımpıadada baq synaǵysy keledi. О́zim solaı etkenmin. Tokıoda kórkem gımnastıkadan el namysyn qorǵaıtyn Alına Ádilhanova sportqa 4 jasynda kelgen eken. Búginde ol 19 jasta, 15 jylyn sportqa arnady. Mine, Olımpıadaǵa qatysý úshin qanshama jylyn, qanshama eńbegin sarp etti. Sport ońaı dúnıe emes. Sol sebepti, barsha qatysýshylarǵa sáttilik tileımin», - dedi Á.Iýsýpova.
Aıta keteıik, Qazaqstannyń olımpıadalyq komandasy Tokıo qalasyna keshe attandy.
