Aımaqtar • 17 Shilde, 2021

Araldaǵy sharýalarǵa 200 mln teńgeden astam qarajat bólinedi

83 ret kórsetildi

Bolat О́temuratov Qory Aral aýdanyndaǵy qurǵaqshylyqtan zardap shekkenderge 200 mıllıon teńgeden astam qarajat jiberedi, dep jazady Egemen.kz qordyń baspasóz qyzmetine silteme jasap.

Qarajat «Aralym - Aıdyn shalqarym» qoǵamdyq qoryna aýdarylady. Oǵan Aral aýdanynyń segiz júz az qamtylǵan otbasyna 900 tonna qurama jem alynady.  Bul jem-shóp 2021 jyldyń qarashasynan 2022 jyldyń mamyryna deıin jetýi kerek.

Mal basyn saqtap qalý jáne jaıylymdardy sýlandyrý úshin aýmaqta jańa sý uńǵymalary qajet. Sonymen qatar aryqtardy tazartý jáne sýaǵar qurylystaryn jóndeý talap etiledi. Osy sharalar sheńberinde Amanótkel eldi mekeni aýmaǵyndaǵy Syrdarııa ózeninde «Aspaı» sýtiregi qalpyna keltiriledi. Ol sý deńgeıin kóterýge jáne Qamystybas pen Aqshataý kól júıelerin toltyrýǵa múmkindik beredi. Qazirgi ýaqytta aýyz sý tapshylyǵy baıqalyp otyrǵan Bel Aran aýyldy aımaǵynda da uńǵyma burǵylaıdy.  

Sonymen qatar, aýyldyq tutyný kooperatıvteriniń mal azyǵyn jınaýǵa traktor, shóp shabatyn mashına, soqa, press-jınaǵyshtar satyp alynady.  

Alys mal jaıylymdaryn sýmen qamtamasyz etý úshin sý tasýshylar, jaıylym men shabyndyqtardy sýarý úshin dızeldik sorǵylar alynady. 

Qarajattyń jumsalýy men jem-shóptiń taratylýyn qoǵam ókilderinen qurylǵan arnaıy komıssııa baqylaıdy. 

Aıta keteıik, qazirgi ýaqytta Aral aýdanda 500-den astam mal basynyń ólimi tirkelgen. Aýdanda tótenshe jaǵdaı jarııalandy.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar