Talapqa saı delegasııanyń 128 múshesi koronavırýsty ınfeksııaǵa baılanysty PTR test taptsyrdy. Barlyq qazaqstandyqtar tapsyrǵan test teris nátıje berdi.
Komandanyń áýejaıdaǵy barlyq prosedýrasy 4 saǵatqa jýyq ýaqytqa sozyldy.
«Uıymdastyrýshylardyń talaby boıynsha barlyq reglamentti saqtadyq. Ereje boıynsha sońǵy tórt saǵatta sportshylar koronavırýsty ınfeksııaǵa qatysty bes test tapsyrdy. Qazirgi tańda olar olımpıadalyq aýylǵa jaıǵasyp, tynyǵýda. Jaqyn ýaqytta kestege sáıkes jattyǵýdy bastaıdy», dep habarlady Olımpıadadaǵy Qazaqstan Mıssııasynyń basshysy Elsııar Qanaǵatov.
17 shilde kúni Tokıodaǵy kún raıy ashyq, aýa temperatýrasy 32 gradýsqa deıin kóterilgen. Ylǵaldylyq 52 paıyzdy kórsetýde. 18 shildeden bastap sportshylar jattyǵýǵa kirisip, dárigerlerdiń baqylaýymen ystyq ári ylǵaldy klımatqa beıimdeletin bolady.
18 shilde kúni olımpıadalyq aýylǵa sporttyq gımnastıka men akademııalyq esýden komanda ókilderi jaıǵasady.
23 shilde kúni Olımpıada oıyndarynda alǵash bolyp tórt qazaqstandyq sportshy baq synaıdy. Sadaq atýdan irikteý kezeńinde Sanjar Musaev, Ilfat Abdýllın, Denıs Gankın synǵa tússe, akademııalyq esýden Vladıslav Iаkovlev jarysty bastaıdy.
