«О́z atymnan jáne Májilis depýtattarynyń atynan TMD Parlamentaralyq Assambleıasy Keńesi Bas Hatshysynyń orynbasary - Qazaqstan Respýblıkasy Parlamentiniń ókiletti ókili Ashat Jarylqasynuly Nusqabaıdyń mezgilsiz qaıtys bolýyna baılanysty qaıǵyryp kóńil aıtamyz. Dıplomatııalyq qyzmette mol tájirıbesi bar Ashat Jarylqasynuly Qazaqstan men Qyrǵyzstannyń, Qazaqstan men Reseıdiń memleketaralyq qatynastaryn nyǵaıtýǵa zor úles qosty. Qazaqstan Respýblıkasy Parlamentiniń ókiletti ókili - TMD PAA Keńesi Bas hatshysynyń orynbasary laýazymynda TMD elderi arasyndaǵy Parlamentaralyq yntymaqtastyqtyń damýyna yqpal etti. Elimizdiń patrıot azamaty Ashat Jarylqasynuly týraly jarqyn estelikter jaqyndarynyń júreginde máńgi saqtalady», dedi Nurlan Nyǵmatýlın.
Ashat Jarylqasynuly Nusqabaı Qazaqstan Respýblıkasynyń Syrtqy ister mınıstrligi salasynda 1997 jyldan beri jumys istep keledi.
«I klasty keńesshi» dıplomatııalyq dárejesi bar.
2017 jylǵy qazanda TMD Parlamentaralyq Assambleıasy Keńesi Bas Hatshysynyń Orynbasary - Qazaqstan Respýblıkasy Parlamentiniń ókiletti ókili bolyp taǵaıyndaldy.
