Bapkerdiń aıtýynsha, Tokıoda koronavırýsty ınfeksııaǵa baılanysty kóptegen shekteýler engizilgen. Arnaıy erejelerdi buzbaý kerek.
«Áýejaıda birneshe ret PTR test tapsyrdyq. Keıin akkredıtasııa qaǵazyn alarda taǵy da testten óttik. Iаǵnı, vırýstyń bolmaýyn qatal qadaǵalaýda.
Boksshylar olımpıada qalashyǵyna ornalasty. Munda bar jaǵdaı jasalǵan. Tamaqtary da jaqsy, barsha álem halyqtaryna arnalǵan taǵamdar bar. Basshylarmen jınalys ótkizip, aldaǵy josparlardy talqyladyq. Olımpıadadaǵy arnaıy erejeni de túsindirdi. Joldan azdap sharshaǵan edik, búgin es jıyp, keshki jattyǵýǵa daıyndalyp jatyrmyz.
Bizdiń birinshi jattyǵýymyz dalada ótedi. Klımatqa beıimdelýdi bastaımyz. Al erteńnen bastap zalda jattyǵý kestesin berdi. Zalda jattyǵýdyń da ózindik erejesi bar. Úlken jattyǵý zaly bar eken. Ony da kórip shyqtyq.
Olımpıadalyq aýyldaǵy uıymdastyrý jumystary joǵary deńdeıde. Betperdeni múlde sheshýge bolmaıdy, araqashyqtyqty da saqtap júrmiz. Barynsha muqııat bolyp, jarysqa daıyndalamyz», deıdi Ǵalymbek Kenjebaev.
Aıta keteıik, bokstan Qazaqstan namysyn segiz sportshy qorǵaıdy. Boksshylar básekesi 8 tamyzda aıaqtalady.
Foto: Jeńis Ysqabaı
