Almaty qalasy PD Krımınaldyq polısııa Basqarmasynyń qyzmetkerleri Almaty qalasy boıynsha UQKD birge qaladaǵy halyqaralyq áýejaı aýmaǵynda jedel-izdestirý jumysyn júrgizdi. Nátıjesinde 1992 jyly týǵan J.esimdi jáne 1993 jylǵy I.esimdi azamat ustaldy. Belgili bolǵandaı, qamaýǵa alynǵandar shetelge shyqqandar úshin teris PTR-synaǵyn jasap, barlyǵy15-20 anyqtama satqan. Klıenttiń jeke derekteri men anyqtamanyń berilgen kúnin túzetken, keıinnen jolaýshylardy ushaqqa otyrǵyzýǵa jibergen. Alynǵan qarajatty áýe kompanııalarynyń ókilderi arasynda bóliske salǵan.
«Qazirgi ýaqytta jedel-tergeý is-sharalarynyń kesheni júrgizilýde, qamaýǵa alynǵandardyń osyǵan uqsas teris PTR synaqtaryn jasaǵan faktilerge qatystylyǵy anyqtalýda. Tıisti saraptamalar taǵaıyndaldy. «Satýshylar», QR Qylmystyq is júrgizý kodeksiniń 128 babyna sáıkes ýaqytsha ustaý ızolıatoryna qamaldy», dedi vedomstvada.
