Bul týraly Kyodo News agenttigi málimdedi.
Ýganda delegasııasy 19 shildede Japonııadaǵy Olımpıada oıyndaryna qatysýǵa kelgen, quramynda toǵyz adam bolǵan, alaıda eki qatysýshynyń PTR-testi oń nátıje kórsetken. Iýlıýs Ssekıtoleko jattyqtyrýshysymen 20 shildede eline oralýy kerek bolǵan.
16 shildede sportshy koronavırýsqa josparly synama alý kezinde ulttyq quramanyń lagerinde joq bolyp shyqqan. Onyń bólmesinen hat tabylǵan. Hatta Ssekıtoleko Japonııada jumys istegisi keletinin, Ýgandaǵa oralǵysy kelmeıtinin jazǵan. Sportshy delegasııa múshelerinen zattaryn berip jiberýdi suraǵan.
Tergeý kezinde Izýmısano qalasynda turatyn sportshy qonaqúıden shamamen 200 shaqyrym jerdegi Nagoıge deıin bılet alyp ketip qalǵany anyqtalǵan. Japonııa bıliginiń málimetinshe, bul jerde ótken jyldyń qorytyndysy boıynsha, shamamen 150 ýgandalyq turady.
Ýganda delegasııasynyń basshylyǵy sportshyny izdeý jumystary boıynsha jergilikti bılikpen jumys istep jatyr. Sporshy bir ret ýgandalyq sheneýniktiń qońyraýyna jaýap bergeni belgili boldy.
