Batys Qazaqstan oblystyq polısııa departamenti koronavırýs ınfeksııasyn taratýǵa sep bolyp otyrǵan qylmystardyń jolyn kesýge erekshe kóńil bólip keledi. Sonyń ishinde jalǵan medısınalyq qujat jasaý máselesi basty nazarda tur.
Krımınaldy polısııa basqarmasy jedel izdestirý sharalary nátıjesinde Oral qalasynda turatyn 19 jasar eki azamatty tutqynǵa aldy. Olar koronavırýs nátıjesin kórsetetin jalǵan PTR qujatyn daıyndaǵan. Ol úshin budan jasalǵan test anyqtamalaryn paıdalanǵan. Odan bólek, Qazaqstan-Reseı shekarasynan kedergisiz ótý úshin reseılik medısına mekemelerinen jalǵan shaqyrtý qaǵazdaryn da jasaǵan.
Tintý kezinde olardyń jumys ornynan naqty dálelder, noýtbýk jáne qarajat tabylǵan. Qazir Qazaqstan Respýblıkasy Qylmystyq Kodeksiniń 385-baby boıynsha qylmystyq is kóterilip, tergeý bastaldy.
Batys Qazaqstan
