Almatyda «Delta» úndi shtamynyń kesirinen koronavırýs ınfeksııasyn juqtyrǵandar sany ósip jatyr. Almaty «qyzyl aımaqta». Megapolıste qala turǵyndarynyń densaýlyǵyn saqtaý maqsatynda adamdardyń kóp jınalýyn jáne qaıta juqtyrýdy boldyrmaý úshin shekteý sharalary kúsheıtildi. Monıtorıng toptar óz kezeginde shekteýlerdiń saqtalýyn baqylaıtyn bolady.
Indettiń aldyn alý tetigin jetildirý aıasynda koronavırýs ınfeksııasynyń taralýyn boldyrmaý jónindegi Qalalyq shtab qalalyq prokýratýramen jáne «Atamekenniń» óńirlik palatasymen birge monıtorıng toptarynyń jumysyn sıfrlyq formatqa kóshirý týraly sheshim qabyldady.
Almatyda monıtorıng toptarynyń jumysyn sıfrlandyrý jumys qorytyndysy týraly málimetterdi óńdeý men tirkeý sapasyn jaqsartady. Máselen, Almaty qalasy boıynsha monıtorıng toptaryn baqylaý modýli monıtorıng toptarynyń jumysyn naqty ýaqyt rejıminde baqylaýǵa jáne ózekti taldaýlardy engizýge múmkindik beredi. Nátıjesinde, tekserýshilerdiń qaı nysandarǵa jıi baratyny, reıdtik baǵyttar rejıminiń saqtalýy jáne t.b. týraly aqparat qoljetimdi bolady. Sonymen qatar, megapolıs prokýratýrasynda atap ótkendeı, monıtorıng toptarynyń jumysy tek osy modýldi qoldanǵan kezde ǵana zańdy bolady.
Endi monıtorıng toptarynyń kásipkerlerge kelýi dereý jazylady, bazanyń ózi elektrondy jazbalardy júrgizedi. Platforma monıtorıng nysanynyń mekenjaıyn jaıyn avtomatty túrde anyqtaıdy. Kásipkerdiń qatysýymen barlyq ıdentıfıkasııalanǵan tártip buzýshylyǵy, qabyldanǵan sharalar kórsetilimi jazylǵan shablon toltyrylady.
Eske salsaq, monıtorıng toptary bıznes sýbektilerin bes talap boıynsha tekseredi:
- jumys rejımin saqtaý;
- kóptegen adamdarmen is-sharalar ótkizý;
- áleýmettik araqashyqtyqty saqtaý;
- betperde rejımin saqtaý;
- kelýshiler sanynyń lımıtin saqtaý.
Monıtorıngtik toptardyń zańsyz áreketteri men sheshimderiniń barlyq faktileri boıynsha kásipkerler prokýratýraǵa 8-701-775-55-00 nómiri arqyly habarlasa alady.
Almatyda 40 monıtorıng toptary qarqyndy jumys jasaýda. Máselen, jyl basynan beri 3195 tekserý júrgizildi, 30 279 nysan qamtyldy, karantın sharalaryn buzǵan 2682 nysan anyqtaldy. Jeke jáne zańdy tulǵalarǵa jalpy somasy 350 mln teńgeden asatyn 4730 hattama toltyryldy. Sottarǵa 75 materıal jiberildi (462-bap, 3-bólim jáne 425-bap, 1-bólim boıynsha), onyń ishinde 64 materıal boıynsha sheshimder qabyldandy. О́tken aptada 12-17 shilde aralyǵynda 829 nysannyń karantın sharalaryn saqtaýy tekserildi, 78 nysannyń buzýshylyǵy anyqtaldy. Demalys kúnderi, 16-18 shilde aralyǵynda Almaty qalasy boıynsha 27 zańdy tulǵanyń zań buzǵany belgili boldy.
