Tarıh • 20 Shilde, 2021

Aqkól meshiti qaıta qalpyna keltiriledi

275 ret kórsetildi

1905-1907 jyldary Sultan qajy Fazylbekov kópestiń sibir tatar stılinde salǵyzǵan Aqkól meshitiniń tozyǵy jetip, qulaýdyń sál-aq aldynda turǵan. Endi muny Semeı qalasy men Besqaraǵaı aýdanynyń turǵyndary asarlatyp, jóndeýdi bastady.

Meshitti qaıta qalpyna keltirý týraly habar taraı sala Besqaraǵaı aýdany men Semeı qalasynyń turǵyndary ortaq qazanǵa qarjy quıa bastaǵan. Materıal alýǵa aqsha jınalǵan soń meshittiń mańaıyndaǵy aýyl turǵyndary demalys kúnderin qurylysqa arnap júr. Biri kirpishin jetkizse, endi biri sement alyp kelgen. Aıtqandaı, kóne meshit Semeı – Pavlodar tas jolynyń boıyn­da ornalasqan.

Meshit mádenı, tarıhı nysan bolǵandyqtan, qaıta qal­pyna keltirý jumystary aldymen talqylandy. О́ńirdiń ólke­tanýshylary, meshitti jóndeýmen aınalysatyn belsendiler jınalyp, aqyldasty. Ákimdik ókil­deri qujat jumystaryn retteýdi qolǵa alyp, saraptama júrgizbek.

– Qalaı bolǵanda da, aldymen saraptama júrgizý kerek. Meshit tarıhı nysan retinde memleket qorǵaýynda. Jóndeýdi lı­senzııasy bar kompanııalar júrgizýi kerek edi. Qujat jumys­tarynan keıin bul nysandy 2022 jylǵa arnalǵan jóndeý jos­paryna qosý týraly usynys engizbekshimiz. Biraq jumys bastalyp ketkendikten, olardy toqtatpaımyz, – dep atap ótti Shyǵys Qazaqstan oblystyq ta­rı­hı-mádenı murany qor­ǵaý jónindegi mekemesiniń qyz­metkeri Maqsat Qusaıynov.

Meshit aǵashtan kóteril­gen­dikten, qaıta qalpyna kel­tirý ońaı­ǵa túse qoımaıdy. Munaranyń ózi qısaıyp ketken. Bıylsha shatyryn jaýyp, esik-terezelerin salyp qoıýdy josparlaǵan. Aldaǵy jyldary nysan tolyǵymen aıaqtalsa, týrıster toqtaıtyndaı tanymdyq orynǵa aınalady. Qazirdiń ózinde sheteldik saıa­hatshylar qy­zyqtap, burylyp jatady. Keı­bireýi qarjy aýdaratyndaryn da aıtyp ketken.

 

Shyǵys Qazaqstan oblysy

 

Sońǵy jańalyqtar

Qyraýdan jazylǵan hat

Ádebıet • Búgin, 22:20

Chempıondar aýyldan shyǵady

Aımaqtar • Búgin, 22:18

О́mir kúrdeli emes, kórkem!

О́ner • Búgin, 22:12

Aıtmatov eline saıahat

Tarıh • Búgin, 22:09

Náýen hazirettiń móri

Jádiger • Búgin, 22:06

Zańǵar bıikten kórindi

Tennıs • Búgin, 22:00

Qorjynda qos júlde

Sport • Búgin, 21:17

Mysyrda myqtylyq tanytty

Sport • Búgin, 21:17

Erteń eki oblysta tuman túsedi

Aýa raıy • Búgin, 20:36

Uqsas jańalyqtar