«19 shilde kúni saǵat 22 shamasynda Almaty qalasynyń Bostandyq aýdanynda 1962 jyly týǵan, Almatyda turatyn júrgizýshi DUKE BLACK motosıklin basqaryp, Sátpaev kóshesimen batys baǵytta júrip kelip, Respýblıka alańyndaǵy № 4 ǵımaratqa qarama-qarsy eki jaıaý júrginshini - 1976 jyly týǵan azamatsha men 2015 jyly týǵan balany qaǵyp ketti. Olar Sátpaev kóshesiniń júris bóligin soltústik baǵytta durys emes jerde kesip ótti», dep túsindirdi Almaty qalasy PD anyqtaý basqarmasynyń bastyǵy Oljas Sháripov.
Polısııa habarlaǵandaı, jol apaty saldarynan áıel jansaqtaý bólimine jetkizildi, biraq alǵan jaraqattarynan qaıtys boldy. Bala qaladaǵy aýrýhanalardyń birine reanımasııa bólimine jetkizildi. Júrgizýshi de túrli dene jaraqattarymen aýrýhanaǵa jetkizildi.
Atalǵan fakti QR QK 345-babynyń 3-bóligi boıynsha sotqa deıingi tergeýdiń biryńǵaı tiziliminde tirkelip, tergeý jumystary bastaldy.
