Tashkent qalasynda QR Ekologııa, geologııa jáne tabıǵı resýrstar mınıstri M.Myrzaǵalıev pen О́zbekstan Respýblıkasynyń Sý sharýashylyǵy mınıstri Sh. Hamraev kezdesti.
Taraptar Syrdarııa ózeniniń orta jáne tómengi aǵysyndaǵy sý jaǵdaıyn jaqsartý jónindegi birlesken sharalardy talqylady.
Kezdesý sońynda Túrkistan oblysynyń Maqtaaral jáne Jetisaı aýdandarynyń fermerleri úshin «Dostyq» memleketaralyq arnasy boıynsha sý jiberý kólemi 80-nen 90 m3/s deıin ulǵaıtyldy. Shardara sý qoımasyna keletin aǵyndy arttyrý boıynsha birlesken sharalardy jalǵastyrý týraly ýaǵdalastyqtarǵa qol jetkizildi.
Sonymen qatar eki el Úkimeti arasyndaǵy Transshekaralyq sý obektilerin birlesip basqarý jáne paıdalaný týraly Kelisimniń jobasy talqylanyp, jyldyń sońyna deıin kelisý rásimderin aıaqtaýǵa nıetti ekenin jetkizdi.
