Aımaqtar • 22 Shilde, 2021

Almatyda indet órship barady: Aýrýhanalarda tósek-oryndar kóbeıtildi

1526 ret kórsetildi

Búgin Almaty qalasy ákiminiń orynbasary Erjan Babaqumarov megapolıstegi epıdemııalyq ahýal nasharlap bara jatqandyqtan, koronavırýs ınfeksııasynyń taralýynyń aldyn alý jónindegi Qalalyq shtabtyń jumys keńesin ótkizdi. Keńeske qalalyq Qoǵamdyq densaýlyq basqarmasynyń basshysy N. Tabynbaev, aýmaqtyq Sanıtarlyq-epıdemıologııalyq baqylaý departamentiniń basshysy, megapolıstiń memlekettik bas sanıtarlyq dárigeri J. Bekshın, aýdandyq ákimdikter men beıindi basqarmalardyń ókilderi qatysty, dep habarlaıdy Egemen.kz.

Basty maqsat – ınfeksııanyń taralýyna qarsy kúrestiń qosymsha sharalaryn qabyldaý jáne mýtasııalanǵan COVID-19 shtammynyń aınalymyn eskere otyryp, medısınalyq qyzmetke muqtaj pasıentter sanynyń artýyna oraı densaýlyq saqtaý júıesi ınfraqurylymynyń daıyndyǵyn qamtamasyz etý.

Búginde Almatyda 86 myńnan astam adamnyń KVI juqtyrǵany aıan, onyń ishinde sońǵy táýlikte tirkelgender sany - 993 jaǵdaı. Sonymen birge, táýlik saıyn 400-den astam naýqas aýrýhanaǵa jatqyzylýda, bul emdelip shyqqandar sanynan 2 ese kóp. COVID-19-pen 3099 pasıent stasıonarlyq emdelip jatyr, al reanımasııa men ıntensıvti terapııada 228 naýqas bar.

Ákimniń orynbasary Erjan Babaqumarov shilde aıynyń basynan beri reanımasııa bóliminde jatqan naýqastar sanynyń úsh esege artqanyn, úı karantınindegi pasıentterdiń dınamıkasy (5821 naýqas) ótken aıda 6 esege óskenin atap ótti. Barlyq ınfeksııalyq stasıonarlarda tósek oryndardyń júktemesi 50%-dan asady. Sondyqtan tamyz-qyrkúıek aılaryna arnalǵan boljamdy jaǵdaılardy jáne qaladaǵy aýrýlardyń qarqyny men deńgeıin eskere otyryp, qalada rezervtik ınfeksııalyq tósekterge qajettilikti anyqtaý tapsyryldy (qoldanysta 6 090 tósek-oryn bar) jáne olardy paıdalanýdy bastaý qajet.

Sonymen birge, kadr rezervin qamtamasyz etý jáne olardy kovıdti terapııaǵa úıretý, vaksınasııa tólqujattarynyń qoldan jasalýymen kúresý jáne aldyn-alý boıynsha nusqaýlar berildi.

Koronavırýs ınfeksııasynyń taralýynyń aldyn alý jónindegi Qalalyq shtab almatylyqtardy qorǵanys sharalaryn – betperde rejımin, áleýmettik qashyqtyqty qatań saqtaýǵa, adamdar kóp jınalatyn oryndarǵa barmaýǵa, sonymen qatar vaksınalaný máselesin keıinge qaldyrmaýǵa shaqyrady, óıtkeni bul ınfeksııadan qorǵaýdyń jalǵyz ádisi.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar