Tımýr Muratovtyń aıtýynsha, elordanyń kóptegen turǵyny dárigerge qaralýdyń ornyna ózin-ózi emdeımin dep qatelik jasaıdy.
«О́zin-ózi emdeımin dep stasıonarlarǵa túsetin naýqastardyń qatary kóbeıip jatyr. Medısınalyq kómekke ýaqytyly júginbeý, antıkoagýlıanttar paıdalanyp emdelýdiń saldary aýyr kúıde reanımasııaǵa jetkizip jatyr», dep atap ótti Tımýr Muratov.
Qazir jedel medısınalyq járdem brıgadalary, sondaı-aq BMSK uıymdary janyndaǵy mobıldi brıgadalarǵa úlken júk túsip otyr.
Máselen, ótken táýlikte elordanyń jedel járdem qyzmetine 4 myń ótinish tústi, qońyraý sany – 2 300, KVI boıynsha qońyraý – 310.
«Mobıldi brıgadalar kúnine 2 myńǵa jýyq úıge shyǵady. BMSK uıymdarynda 10 600-den astam pasıent emdelip jatyr. Aıta ketý kerek, aýyr kúıdegi naýqastardyń bárinde qosymsha 1-2 aýrýy bar», dedi spıker.
Ol sondaı-aq 30 jáne odan joǵary jastaǵy adamdar jıi túse bastaǵanyn aıtty.
Tımýr Muratov halyqty jappaı vaksınasııalaý ǵana koronavırýs aýrýynyń ósýin toqtatatynyn eske saldy. Bul úshin qalada barlyq jaǵdaı jasalǵan – BMSK mekemelerinde, qalanyń iri SOO-larynda demalys jáne mereke kúnderi jumys isteıtin 100-den astam egý pýnkti bar.
