Aıyrtaýdyń aıy ońynan týady

Saılaý kúnine deıin ákim­dikke úmitker azamattar aýyl jurtymen júzdesip, saılaýal­dy baǵdarlamalarymen tanysty­ryp júr. Jýyrda Ulan aýdany, Aıyrtaý aýyldyq okrýginde «Aýyl» halyqtyq-demo­kra­tııalyq patrıottyq partııasy atynan tús­ken kandıdat Darhan Tóleýhanov turǵyndarmen kezdesý ótkizdi.

Aıyrtaý aýyly О́skemenniń irgesinde bolǵanymen, qorda­lanǵan máselesi barshylyq. Atap aıtsaq, jaıylymdyq, shabyndyq jeri tar. Kósheleri jóndeý kórmegen, jaryq tartylmaǵan. Aýyzsý máselesi jáne aıtylyp keledi. «Aýyl» par­tııasy atynan saılaýǵa túsip otyr­ǵan D.Tóleýhanov Aıyrtaýda týyp-óskendikten, atalǵan prob­lemalardy bes saýsaǵyndaı bi­ledi. Aýyldyń mádenıet úıine jı­nalǵan aıyrtaýlyqtar da, syrttan kelgen basshydan góri aýyl azamaty tizgindi qolǵa alsa degen tilekterin aıtyp jatty.

Jas úmitker Darhan Tóleý­hanov joǵary oqý orynyn tá­mam­daǵan soń týǵan jerine qaı­typ oralǵan. Sodan beri aýylda dzıýdo men qazaqsha kúresten jat­tyqtyrýshy. Jastardy salamat­ty ómirge baý­lydy. Sportta óziniń jetken je­tis­tikteri de az emes. Odan bólek, aýdandaǵy qoǵamdyq jumystarǵa belsendi qatysyp júretin. «Jas kelse iske» deýshi edi ǵoı, endi halyq qoldap jatsa, Darhan Kádir­uly týǵan aýyly úshin qyzmet etýge daıyn.

– Aýyldaǵy aýyzsý, kósheler­di jóndeý, jaryqtandyrý sııaq­ty máselelerdi jaqsy bilemin. Qazirdiń ózinde tórt kóshege ortasha jóndeý jumystary júr­gizilip jatyr. Aldaǵy kúnderi asfaltyn tóseıdi. Ol úshin 120 mln teńge qarjy bólingen. Jón­deý jumys­tary tórt kóshemen shektelmeıdi, keler jyldary da jalǵasyn taba bermek. Aıyrtaý men Qanaı ara­syndaǵy jol da jańartylady. Sony­men qatar jaıylym jáne shabyndyq jerler jetkiliksiz, – dep aýyldaǵy jaǵ­daıdy jaqsy bile­tinin ań­ǵart­ty Darhan Tóleý­hanov. Olar­dy sheshý joldary  saı­­laýal­dy baǵdarlamasynda qaras­tyrylǵan kórinedi.

– «Aýyl» partııasy atynan oblys boıynsha okrýg ákimdigine 18 úmitker usynyldy. Olardyń bári belgilengen talaptarǵa saı. Solar­dyń biri – Aıyrtaý aýyl­dyq okrýginiń ákimi laýazymyna úmitker Darhan Kádiruly. Úmitker jalǵyz emes, onyń artynda partııa tur. Oblysta bizdiń partııadan 15 depýtat bar. Onyń úsheýi – oblystyq máslıhat­tyń depýtattary, – dedi «Aýyl» partııasy oblystyq fılıaly basshysynyń orynbasary Kamal Arynhanov.

Al aýyl aqsaqaly Qadylbek Saǵynǵanovtyń pikirinshe, aýyldan shyqqan azamat týǵan jeri úshin janyn berip, eńbek etedi. Bir jaǵynan ózimiz saılaǵan soń, qandaı másele bolsa da tótesinen aıta alamyz desedi halyq.

– Buryn aýyl ákimin depýtattar saılaǵan. Endi, mine, halyq saılaıtyn boldy. Alaıda bıýdjetten qarjy bólinbese, aýyl ákimi jumys istep jarytpaıdy. Aıtaıyq degenimiz, halyq qol­da­ǵanymen, saılanǵan ákimdi aýdan ákimdigi de qoldaýy kerek, – desti jurt biraýyzdan. 

Kezdesýden keıin kandıdat Darhan Tóleýhanov pen senimdi ókilderi aýyldy aralap, jóndelip jatqan kóshelerdi kórdi. Buryn-sońdy oǵyr-shoǵyr bolyp jat­qan kóshelerge asfalt tóseý ju­mystary júrgizilip jatyr. Ersili-qarsyly aǵylǵan tehnıka. Sharýa qyzý. Aýyl ishindegi kópqabatty eski úıler de buzylady. El aman, jurt tynysh bolsa, jaman indet toqtap, ekonomıka kóterilse, aýyl­dyqtar da aýyzbirshilikten ajy­ramasa, az ýaqyt ishinde Aıyr­taýdyń da aıy ońynan týady. Oǵan senim mol.

Aıtqandaı, Shyǵys Qazaqstan oblysynda saılaýdyń ádil ótýi úshin 300-den astam táýelsiz ba­qylaýshy qatysady. 25 shildede bar­lyq saılaý ýchaskesinde ju­mys isteıtin 300-den astam baqy­laýshy arnaıy kýrstardan ótip jatyr.

– Bul saılaý halyqtyń bılikke degen senimin, sondaı-aq bı­liktiń óz qyzmetine jaýap­ker­shiligin arttyrady. Saı­laý prosesi ashyq ári zańǵa sáıkes ótýi úshin biz baı­qaýshy­lar­dy daıarlaımyz, – deı­di «Par­tııa­lyq emes baqylaý or­­ta­­lyǵy» respýblıkalyq qo­ǵam­­dyq bir­lestigi oblystyq fı­lıa­ly­nyń tóraǵasy Aıaýjan Áshimova.

Onyń aıtýynsha, baıqaýshy bolǵysy keletinderge qoıylatyn eń mańyzdy talap – proseske qyzyǵýshylyq tanytý. Eger saılaý ýchaskesinde baıqaýshylar qan­daı da bir buzýshylyqtardy tir­kegen jaǵdaıda, olar bul týra­ly О́ńirlik shtabqa dereý habar­laýǵa tıis. Onda zańgerler men jattyq­tyrýshylar odan ári is-qımyl jasaý týraly sheshim qabyldaıdy. Demek saılaýdyń ádil óteri anyq.

Shyǵys Qazaqstan oblysy,

Ulan aýdany