Medısına • 23 Shilde, 2021

Jekemenshik klınıkalar kóbeıdi

112 ret kórsetildi

Medısınalyq saqtandyrý júıesi halyqqa kórsetiletin sapaly medısınalyq qyzmettiń qoljetimdi bolýyn qamtamasyz etýge baǵyttalǵan. Júıe engizilgeli beri pandemııa jaǵdaıyndaǵy kedergilerge qaramastan biraz jumys atqarylyp jatyr. Aıtalyq, Áleýmettik medısınalyq saqtandyrý qorymen shart jasasyp, elge qyzmet kórsetip jatqan jekemenshik klınıkalardyń qatary artýda.

Bul jóninde Áleýmettik medı­sınalyq saqtandyrý qorynyń Nur-Sultan qalasy boıynsha fılıalynyń dırektory Nur­lybek Qabdyqaparov jan-jaqty málimet berdi.

«2021 jylǵa arnalǵan satyp alý jospary boıynsha elordada tur­ǵyndarǵa medısınalyq kómek kórsetý úshin 17,2 mlrd teńge, onyń ishinde tegin kepil­dendirilgen medısınalyq kómek kólemi aıasynda 9,2 mlrd teńge, al medı­sınalyq saqtandyrý pake­tindegi medısınalyq qyzmet­terge 8 mlrd teńge qarasty­ryl­­ǵan. Qazirgi ýaqytta qor Nur-­Sultan qalasy boıynsha 108 medısınalyq qyzmet jet­kizý­shimen shart jasalǵan, onyń 71-i – jekemenshik klınıkalar. Jyl ótken saıyn turǵyn halyqqa me­dısınalyq qyzmet kórsetetin jekemenshik qyzmet jetkizýshiler úlesi artýda. Bul pasıenttiń úzdik klınıkany tańdaýyna múmkindik beredi», dedi N.Qabdyqaparov.

Mindetti áleýmettik medısı­nalyq saqtandyrý júıesi en­gi­zil­geli beri suranys­qa­ ıe KT,­ MRT, joǵary tehnolo­gııa­­­lyq medısınalyq qyzmet­ter, konsýl­tasııalyq-dıagnos­tıka­lyq qyzmetter, gor­mondar, vıtamınder kór­set­kishterin anyq­taıtyn zert­ha­nalyq tekserýler, ońaltý qyzmetteri, buryn varıkoz aýrýlarynda aqyly túrde ǵana jasalatyn ýltradybystyq ablasııa, ıneksııalyq skleroterapııa, júrek qan tamyry aýrý­laryn anyqtaıtyn korona­ragrafııalyq zertteýler sekildi medısınalyq kómekterdi qazirgi ýaqytta MÁMS júıesi engizilgeli barlyq azamat tegin jasata alady. Medısınalyq saqtandyrý aıasynda kórsetiletin quny qymbat medısınalyq qyz­metter: angıohırýrgııa, oftalmologııa, kardıohırýrgııa, neırohırýrgııa, travmatologııa-ortopedııa baǵy­tynda pasıentterge jasalyp jat­qan otalar sany, son­daı-aq EKO prosedýralar sany artty.

Buryn pasıentterge 45 syrqat túrleri boıynsha dárilik preparattar qoljetimdi bolsa, qazir 138 syrqat túrleri bo­ıynsha dárilik preparattardy tegin alýǵa bolady. Sondaı-aq MÁMS júıesin engizgeli beri medısınalyq ońal­tý sharalaryn qarjylandyrý artqanyn da aıta ketý kerek. 2021 jyly medısınalyq ońaltý sha­ra­laryn qarjylandyrý 2019 jylmen salystyrǵanda 7,5 mlrd teńgege deıin ósken.

Áleýmettik medısınalyq saq­tandyrý qorynyń Nur-Sultan qalasy boıynsha fılıaly 2021 jyly ońaltý qyzmetterin kórse­tetin 45 medısına uıymymen kelisimshart jasady. Olardyń ishinde: jekemenshik – 20, mem­lekettik – 22, respýblıkalyq 3 medısına uıymy bar. Jyl ba­sy­­nan beri elordada 3,23 mlrd teńgeden asa somaǵa (onyń ishinde kúndizgi stasıonarlarda – 35 584, táýliktik stasıonarlarda – 131 924) ońaltý qyzmetteri kórsetildi. Ambýlatorııalyq-em­hanalyq deń­geıde 204 mln teń­ge somasyna 252 001 qyzmet kór­setildi. Koro­navırýs pandemııa­sy ońaltýdyń qanshalyqty mańyzdy ekenin jáne bul bastama qanshalyqty ýaqy­tyly júzege asyrylǵanyn kórsetti. Densaýlyq saqtaý mı­nıstr­liginiń №170 buıryǵymen beki­tilgen medısınalyq qyzmet túrleriniń tizimi bar. Ony Den­saýlyq saqtaý mınıstrligi men Qordyń resmı saıtynan qaraýǵa bolady.

Sonymen qatar N.Rysqalıuly 1 shildedegi jaǵdaı boıynsha Nur-Sultan qalasy turǵyndarynyń 82,5%-y, ıaǵnı 991 653 elordalyq saqtandyrylǵanyn, al 17,5%-y, 211 myńnan asa qala turǵyny saq­tan­dyrylmaı, MÁMS júıe­si­nen tys qalyp otyrǵanyn málim­dedi.

«Osy jerde aıta ketý kerek, saq­tandyrylmaǵan azamattar arasynda Úkimet Qaýlysyna sáı­kes saqtandyrý tólemderinen bosatylǵan ShOB qyzmetkerleri de bolýy múmkin. Nur-Sultan qalasynda barlyǵy 33 585 ShOB sýbektisi bar. 2021 jyldyń 1 shildesindegi jaǵdaı boıynsha, olardyń ishinde 2 853 sýbekt aqparattyq júıede jumyskerler tizimin áli jańartpaǵan. Osy­laısha mundaı kásiporyn jumys­kerleri MÁMS júıesinen tys qalýy múmkin. Sondyqtan sha­ǵyn jáne orta bıznes ókilderi azamattardyń jeńildikke ıe sanatyna jatatyn óz jumyskerleri  týraly derekti (JSN) msb.fms.kz saıtyna engizý qajet. ShOB jumyskerleri qaryz bolyp, artynsha ony joıý qajettigi týyndamas úshin, olar týraly derekti Saqtandyry aqparattyq júıesine engizý merzimi 2021 jyldyń
1 qazanyna deıin uzartyldy», dedi qor fılıalynyń dırektory.

Negizinen, múmkindigine qa­raı aı saıyn jarna tólep otyr­ǵan tıimdi. Mysaly, derbes tóleý­shi retinde nemese biryńǵaı jıyn­tyq tólem arqyly turaqty túrde jarna aýdaryp otyrsa, MÁMS júıesindegi medısınalyq qyz­mettiń bári qoljetimdi bolady. Tipti jumyssyz qalsa, resmı organdarǵa tirkelgeni jón, bul kezde 15 sanat tobyna kiredi.

«Qysqasha túsindire ketsem, jumys isteıtin azamattarǵa Ju­­mys berýshi eńbekaqy tóleý qorynan qyzmetker tabysynyń 2% kóleminde aýdarady. So­nymen qatar jumys berýshi aýdarymyna qosa, jaldamaly jumyskerlerdiń jalaqysynan 2% mólsherinde jarna ustap qorǵa aýdarady. Biraq aı saıyn jarna ustalatyn tabys kólemi 10 eń tómengi ja­laqydan (nemese 425 myń teń­geden) aspaýy tıis. Iаǵnı aı saıynǵy jarna mólsheri 8 500 teńgeden joǵary bolmaýy kerek. Jeke kásipkerler burynǵysha 1,4 eń tómengi jalaqynyń 5%-yn, ıaǵnı 2 975 teńge tóleıdi. Sonymen qatar bizde ózin-ózi jumyspen qamtyǵandar degen sanat bar. Olar burynǵysha 1 eń tómengi jalaqynyń 5 paıyzyn, ıaǵnı 2 125 teńge tóleıdi. Sebebi bıyl eń tómengi jalaqy mólsheri ózgergen joq. Biryńǵaı jıyntyq tólem tóleýshi 1 aılyq eseptik kórsetkish kóleminde jarna aýdarady. Bıyl AEK mólsheri ózgerdi. Sondyqtan bul sanat iri qalalarda 2 917 teńge tóleıdi, aýyldyq jer­lerde 0,5 aılyq eseptik kórset­kish kóleminde – 1 458 teńge tóleıdi. Qarjynyń 40%-y – Medı­sınalyq saqtandyrý qory­na, 30%-y – Biryńǵaı jınaq­taýshy zeınetaqy qoryna, 20%-y Áleý­mettik saqtandyrý qory­na aýda­rylady, 10% tabys salyǵy retinde ustalady. Eger azamat­tardyń mártebesi 2021 jyly saqtandyrylmaǵan bolyp shyq­sa, aldyńǵy 12 aıdyń tólem­derin tekserýi qajet», dedi N.Qabdy­qaparov.

Elordalyqtar 2021 jyl bas­talǵaly beri, ıaǵnı qańtar-maýsym aılarynda medısınalyq saqtandyrý úshin 19,7 mlrd teńge jarna aýdarǵan, al maýsym aıynda MÁMS úshin 3,5 mlrd teńgeden asa jarna túsken.

 

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar