Is materıaldaryna sáıkes, Aqsý qalasyndaǵy kafeleriniń birinde er adamdar arasynda qaqtyǵys bolǵan. Demalýshylardyń biri ekinshisin aǵasyn óltirdi dep aıyptaǵan, alaıda bul is boıysha sot bolyp ketken, qylmysty dep tanylǵandar jazasyn kolonııada ótep bolǵan.
Qaqtyǵys barysynda er adam qarsylasyn birneshe ret uryp, janyndaǵylarmen birge dalaǵa alyp shyǵady. Keıin kóliktiń júk salǵyshyna salyp, qaıtys bolǵan aǵasynyń Maıskıı aýdanyndaǵy zıratyna alyp kelgen. Munda urlanǵan adam soqqyǵa tótep bere almaı, mert bolady.
Bul qylmysqa qatysýshylardyń biri 2019 jyldyń sáýirinde 18 jylǵa bas bostandyǵynan aıyryldy. Basqasy qashyp ketti, oǵan qarsy is bólek sot isine bólindi. Alaıda, 2021 jyly 10 aqpanda ustalyp, qamaýǵa alyndy. Sotta sottalýshy tek urlaý boıynsha kinásin moıyndady, kisi óltirýdegi kinásin moıyndamady.
Isti Pavlodar oblysynyń qylmystyq ister jónindegi mamandandyrylǵan aýdanaralyq soty qarady.
Sottalýshynyń kinási jaýap alynǵan kýálardyń aıǵaǵymen, sot saraptamalarynyń qorytyndysymen, qujattyq jáne zattaı dáleldermen dáleldendi. Mas kúıinde qylmys jasaǵany jaýapkershilikti aýyrlatatyn mán-jaı dep tanylyp, kámeletke tolmaǵan bes balasynyń bolýymen jaza jeńildetiletin boldy.
Alqabılerdiń úkimimen er adam ózine taǵylǵan aıyptar boıynsha kináli dep tanylyp, 16 jylǵa bas bostandyǵynan aıyryldy. Jábirlenýshi tarap bul úkimdi tym jeńil dep atady.
Úkim zańdy kúshine engen joq.
