Fotolardy túsirgen Turar Qazanǵapov, Salı Sabırov, Qazaqstan UOK
XXXII jazǵy Olımpıada oıyndarynyń ashylý saltanaty kórermensiz ótýde.
Sportshylarymyzdy Bokstan ulttyq quramanyń kapıtany Qamshybek Qońqabaev pen Olımpıada chempıony, jeńil atlet Olga Rypakova bastap shyqty.
Tokıo-2020 Olımpıadasynyń ashylý saltanatyndaǵy qazaqstandyq tý ustaýshylardyń kostıýmderi Ulttyq Olımpıada Komıtetiniń tapsyrysy boıynsha arnaıy jasalǵan. Jumysqa Ábilhan Qasteev atyndaǵy Memlekettik óner mýzeıiniń mamandary qatysyp, áıgili almatylyq sánger Vıoletta Ivanova dızaınmen jáne tiginshilikpen aınalysqan.
«Olga ekeýmiz eskızderdi kórip, jumys barysyna qatystyq, maǵan kostıým unady, bul erekshe energııa men maǵynaǵa ıe kıim. Ony kıgende, ózińdi naǵyz batyr sezinesiń», deıdi bokstan ulttyq quramanyń kapıtany Qamshybek Qońqabaev.
«Kostıýmder biregeı, zamanaýı jáne sonymen qatar dástúrli. Bul bilikti qolónershiler jasaǵan joǵary sándi buıymdar, olardyń keremet jumystary úshin meniń alǵysym sheksiz», dep atap ótti Olga Rypakova.
Sportshylarymyzǵa sáttilik tileımiz!
