Pikirtalasqa 60 qatysýshy, onyń ishinde qarjy naryǵynyń ókilderi men tólem júıeleri salasyndaǵy halyqaralyq sarapshylar qatysty. Kezdesý barysynda halyqaralyq tájirıbeni taldaý, pılottyq jobaǵa qatysýǵa qoıylatyn talaptar men naryqqa qatysýshylardy sıfrlyq teńge platformasynda jańa qarjy ónimderin ázirleýge tartý jóninde josparlar usynyldy.
Tehnologııalar men tólem júıeleriniń jappaı damýyn eskere otyryp, sıfrlyq teńge qolda bar qolma-qol jáne qolma-qol aqshasyz tólemderge qosymsha jańa tólem quraly bolý áleýetine ıe. Onyń mindeti – tólem qyzmetteri naryǵynda básekelestikti kúsheıtý, halyq úshin ınnovasııalyq servısterdi ázirleýdi jedeldetý, sondaı-aq óńirlerde qarjylyq qyzmetterdiń qoljetimdiligin arttyrý.
Qazirgi ýaqytta sıfrlyq valıýtany qurý jáne engizý jónindegi jobalardy álemdegi ortalyq bankter júzege asyrýda.
Qazaqstan Ulttyq Banki jobanyń nátıjelerin jurtshylyqpen jáne qarjy naryǵymen jarııa talqylaýdy jalǵastyrýdy jáne kezdesý qorytyndylaryn buqaralyq aqparat quraldarynda jarııalaýdy maqsat tutyp otyr.
