Sport • 25 Shilde, 2021

Jańa týrnırdegi joryqtar bastaldy

53 ret kórsetildi

О́tken beısenbi túni qazaqstandyq fýtbol komandalary ÝEFA 2018 jyly negizin qalap, biraq bıyldan bastap uıymdastyrylǵan sý jańa Konferensııalar lıgasy týrnırin ekinshi irikteý kezeńinen bastady. Qazaqstan chempıonatynyń byltyrǵy kúmis júldegeri Qostanaıdyń «Tobyly» syrt alańda Horvatııanyń «Haıdýk» klýbymen, qola júldeger elordanyń «Astanasy» Nur-Sultanda Grekııanyń «Arısimen» jáne QPL-diń tórtinshi oryn ıegeri Qaraǵandynyń «Shahteri» Rýmynııanyń FKSB (Stıaýa) komandasymen kezdesti.

«Arısten» aılasyn asyrdy

Jańa týrnırdiń shymyldyǵyn qazaqstandyq klýbtardan birinshi bolyp «Astana» klýby ashyp berdi. Elordadaǵy «Astana Arena» stadıonynda ótken oıyn­da jerlesterimiz Grekııa birinshiliginiń byltyrǵy maýsymynda úshinshi oryn alǵan «Arıs» klýbyn qabyldady. 100 jyldan asa tarıhy bar grekııalyq ujymdy Eýrokýbok básekelerindegi tájirıbeli komandalardyń qataryna qosý qıyn. О́ıtkeni bul klýb araǵa 40 jyl salyp Grekııa birinshiliginde júldegerler qataryna qosyldy. Iаǵnı, olar kem degende osynsha ýaqyt Eýropa jasyl alańdaryndaǵy mańyzdy iri dodalarda baq synamaǵan.

«Astana» men «Arıs» arasyndaǵy oıyn á degennen tartysty bastaldy dep aıta almaımyz. Elordalyq fýtbolshylar Eýrokýbok básekelerindegi alǵashqy oıynyn jankúıersiz ótkizgennen keıin be, álde qarsylastaryn baǵalamaı shyqty ma eken, áıteýir óte súreńsiz oıyn kórsetti. Birinshi taımnyń alǵashqy mınýttarynda qarsylastar «Astana Arenadaǵy» jasandy alańǵa úırenise almaı, biraz ábigerge tústi. Bul – elordaǵa kelgen kez kelgen klýbtyń basynan ótetin jaǵdaı. «Arıstiń» alańǵa boı úırete almaı júrgenin baıqaǵan «Astana» oıynshylary der kezinde esepti ashyp, basymdyqty óz qoldaryna alýǵa tyrysty. Sóıtip 25-mınýtta Tıgran Barsegıan qarsylastyń aıyp alańyna doppen erkin kirip, áriptesi Marın Tomasovqa pas shyǵardy. Elordalyq klýbtyń surmergeni birden soqqy jasap, esep ashty. Birinshi taımda «Arıs» komandasynda da gol soǵyp, tarazy basyn teńestiretin múmkindik boldy. Alaıda onyń birde-birin tıimdi paıdalana almady. Áıtpese grekııalyq fýtbolshylar alǵashqy 45 mınýtta «Astana» qaqpasyna úsh soqqy jasap, onyń ekeýin qaqpaǵa dál baǵyttady.

Ekinshi taımda da birinshi taımnyń ssenarııi qaıtalandy. Iаǵnı ekinshi kezeńniń alǵashqy mınýttary oıynnyń birinshi bólimi sııaqty teń jaǵdaıda ótti. Al 71-mınýtta Marın Tomasov dýbldiń avtory atanyp, komandasynyń eseptegi basymdyǵyn odan ári nyǵaıta tústi. Abzal Beısebekovtiń alystan áýelete asyrǵan pasyna birinshi jetken Marın Tomasov bul joly baspen tamasha gol saldy. Ekinshi goldan keıin «Arıs» bas bapkeri alańǵa qosalqy quramdaǵy tyń oıynshylaryn shyǵaryp, taktıkalyq ózgeris jasap, qarymta match aldynda bir gol soǵyp alýdy kózdegen edi. Alaıda grekııalyqtar alańǵa bes jańa oıynshy shyǵarsa da, «Astana» qorǵaýshylary olarǵa bir gol soǵýǵa da múmkindik bermedi. Tipti oıynnyń 76-mınýtynda Lýka Shımýnovıch oıyn tártibin buzyp, tóreshi oǵan ekinshi sary qaǵazyn kórsetti. Sóıtip eki sary qaǵazy qyzyl qaǵazǵa aınalyp, qorǵaýshy alańnan qýyldy. 15 mınýt boıy bir fýtbolshyǵa kem oınaǵan «Astana» báribir qarsylastaryna gol soǵý bylaı tursyn, aıyp alańyna enýge de múmkindik bermedi. Qorytyndy esep – 2:0. Endi qarymta kezdesý aldaǵy beısenbi, ıaǵnı 29 shildede Grekııanyń Solonıkı qalasynda ótedi.

Jeti jyldan keıin oraldy

Qaraǵandynyń «Shahteri» araǵa jeti jyl salyp Eýrokýbok básekelerine qaıta oraldy. Eń sońǵy ret Eýropa lıgasynyń 2014/15 jylǵy maýsymynyń irikteý kezeńine qatysqan «kenshiler» komandasy jarysty úshinshi aınalymnan aıaqtaǵan bolatyn. Alǵashqy eki irikteý básekesinde Armenııanyń «Shırak» komandasyn 6:1 esebimen jeńse, keıin Lıtvanyń «Atlantas» ujymynan 3:0 nátıjesimen basym túsip, úshinshi matchta Horvatııanyń «Haıdýk» klýbynan 5:4 esebimen jeńilip, jarysty aıaqtaǵan edi.

Kezinde Eýropany dúr silkindirgen Qaraǵandynyń «Shahteri» sol jetistigin qaıtalaý úshin, reti kelip jatsa odan da joǵary nátıjege qol jetkizý maqsatynda bıylǵy Eýrododa bar ónerin salmaqshy. Byltyrǵy el chempıonatynyń tórtinshi oryn ıegeri Konferensııalar lıgasyndaǵy alǵashqy oıynyn syrt alańda Rýmynııa fýtbolynyń tarıhyndaǵy eń dańqty klýb «Stıaýamen» kezdesti. Býharesttiń komandasy el birinshiliginiń byltyrǵy maýsymynda kúmis júldege qol jetkizdi. Rýmynııa chempıony atanǵan ChFR Klýj komandasynan 9 upaıǵa qalyp qoıdy.

Sondaı-aq «Stıaýa» qazaqstandyq komandalarǵa da, jankúıerlerge de jaqsy tanys. Chempıondar lıgasynyń 2014/15 jylǵy irikteý kezeńinde atalǵan komanda sol kezdegi Qazaqstan chempıony «Aqtóbemen» kezdesip, eki oıyn nátıjesi boıynsha 4:3 esebimen jeńip ketken edi.

Bul kezdesý «Shahter» úshin jeti jyl burynǵy «Aqtóbeniń» esesin qaıtaratyn tamasha múmkindik bolatyn. Alaıda syrt alańda ótken alǵashqy oıynda jerlesterimiz 1:0 esebimen jeńilip qaldy. Oıyndaǵy jalǵyz ári jeńis golyn alań ıelerinen 38-mınýtta Andreı Kordıa saldy. Oıyn tolyǵymen «Stıaýa» fýtbolshylarynyń basymdyǵymen ótse de, qarsylastar Igor Shaskıı qorǵaǵan qaqpaǵa nebári bir ǵana gol soǵa aldy. «Shahter» úshin syrt alańdaǵy 1:0 nátıjesi jaman emes. Beısenbi kúni Qaraǵandyda ótetin oıynda eki gol aıyrmashylyǵymen jeńiske jeter bolsa, kelesi kezeńge joldama alady.

«Tobyldyń» jaǵdaıy qıyn

Eýrododa básekelerine 2018/19 jylǵy maýsymnan beri qatysyp kele jatqan Qostanaıdyń «Tobyly» ázirge óz jankúıerlerin jarqyn jeńisimen qýanta almaı júr. 2018 jyly Eýropa lıgasynyń ekinshi irikteý kezeńinde Armenııanyń «Pıýnık» komandasynan jeńilip, jarysty erte aıaqtasa, byltyrǵy básekede bıýdjeti «Tobyldan» áldeqaıda tómen bolǵan Lıýksembýrgtiń «Jeness» komandasynan aılasyn asyra almady.

Bıyl Qostanaıdyń klýby Konferensııa lıgasynda baq synaýǵa múmkindik aldy. Qarsylasy – Horvatııanyń bedeldi klýbtarynyń biri «Haıdýk». Splıt qalasynyń komandasy Eýrododa týrnırlerine turaqty qatysyp júrgen, tájirıbeli komanda sanalady. Horvatııa chempıonatynda «Dınamo-Zagreb», «Rıeka» jáne «Osıek» klýbtarynan keıingi tórtinshi orynǵa jaıǵasty. Júldeli úshinshi orynǵa barjoǵy bir upaı jetpeı qaldy.

Horvatııada ótken alǵashqy oıynda «Tobyl» tájirıbeli qarsylasynan 2:0 esebimen jeńilip qaldy. Birinshi taımnyń 21-mınýtynda esepti ashqan 19 jastaǵy shabýylshy Marın Lıýbıchıch ekinshi taımnyń 53-mınýtynda dýbldiń avtory atanyp, komandasyna mańyzdy jeńisti syılady. Quramynda Azat Nurǵalıev, Ashat Taǵybergen, Serikjan Mujyqov, Alek­sandr Mokın, Zoran Toshıch sekildi úzdik fýtbolshylary bar Qostanaıdyń klýby syrt alańda qarsylastaryna qarsy eshteńe isteı almady. Bálkim, qarymta kezdesýde minez kórsetip qalar.

Joǵarydaǵy eki komandaǵa qaraǵanda, «Tobyldyń» kelesi kezeńge shyǵý múmkindigi ázirshe óte tómen bolyp tur. Endi qostanaılyqtarǵa óz alańynda ótetin matchta kem degende úsh gol soǵyp, ózderi qaqpasyna bir de bir gol ótkizbeý kerek bolady. 29 shildede ótetin qarymta kezdesýde «Tobyl» oıynshylary erlik jasaı ala ma?

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar