Koronavırýstyń jańa shtamy paıda boldy

 Mınıstrdiń aıtýynsha, Dúnıejúzilik densaýlyq saq­taý uıymy Perýde alǵash ret 2020 jyldyń jeltoqsanynda tabyl­ǵan jáne 30 elde, negi­zinen Soltústik jáne Ońtústik Amerıkada, Eýropa elderinde 3 myńǵa jýyq jaǵdaı anyqtalǵan «Lıambda» shtamynyń anyq­talýy týraly málimdedi.

Epıdemııalyq jaǵdaı matrısasyna sáıkes Qazaqstan 26 maýsymnan bastap «qyzyl aımaqta» ornalasqan. «Sary aımaqta» eki óńirimiz – Shyǵys Qazaqstan jáne Túrkistan oblystary bol­sa, qalǵan óńirdiń barlyǵy – 15 óńir «qyzyl aımaqta» tur. «Delta» shtamynyń taralýyn es­kere otyryp, sońǵy eki ap­ta­da aldyńǵy eki aptamen salystyrǵanda jalpy respýblıka boıynsha aýrýshańdyqtyń ósýi baıqalady, onyń kórset­kishi – eki ese. Maýsym aıymen salystyrǵanda ortasha táý­liktik aýrý 4,8 ese ósti. Syrqat­tanýdyń ósýin jáne densaýlyq saqtaý jú­ıe­sine júktemeniń artýyn es­kere otyryp, shilde aıynda qosymsha 10 myńǵa jýyq tósektik oryn ashyldy, rezervte 21,4 myń­ǵa jýyq tósektik oryn qalyp otyr.

Sonymen qatar dárilik zat­tar men medısınalyq bu­ıym­­dardyń qajetti kólemi tolyq qam­­tamasyz etilgen. Aýrý­hana­larda KVI-di emdeýge arnalǵan dári­ler­diń aılyq qory, «SQ-Far­masııa» qoımalarynda jáne dárihanalarda eki aılyq qory qalyp­tastyrylǵan. Bar­lyq óńirde 18 mlrd teńgege dári-dár­mek­terdiń turaqtandyrý qorlary quryldy. Sonymen qatar halyqtyń testileýge qoljetimdiligi qamtamasyz etildi. COVID-19 dıagnostıkasy úshin táýligine jalpy qýaty 120 myń zertteý bolatyn 157 zerthana men 66 bıologııalyq materıal alý pýnkti tartyldy. Tıisti kontıngentti vaksınalaý jalǵasýda. Búginde vaksınanyń 8 mln dozasy paıdalanyldy, onyń ishinde 1 komponentpen 5 054 970 adam egildi, bul tıisti halyqtyń 51%-yn quraıdy. Ekinshi komponentpen 3 075 907 adam qamtyldy. Egý pýnktterinde shamamen 580 myń birinshi komponent jáne 1 mln 190 myń ekinshi komponent bar.

«Vaksınalaý – vırýstyń taralýyn azaıtýdyń jáne buryn­ǵy ómir saltyna, jumysqa, otba­sylyq dástúrge jáne saıahatqa oralýdyń jalǵyz tásili», dep taǵy da eske saldy A.Soı.

«Delta» shtamy anyqtalǵan shtamdarǵa qaraǵanda 60% juqpaly, orta eseppen bir adamnan 5-6 adamǵa juǵady, 7 kúnge deıin qysqa ınkýbasııalyq kezeń­men sıpattalady.