Birinshi jartyjyldyqta memlekettik basqarý, densaýlyq saqtaý, mádenıet jáne kóliktik qyzmet kórsetý nysandarynda múgedektigi bar adamdar úshin qoljetimdi ortany qamtamasyz etý turǵysynan 469 baqylaý is-sharasy ótkizildi. Onyń ishinde 312 tekseris josparly aldyn alý-baqylaý aıasynda jáne 157-si azamattardyń ótinishi negizinde jospardan tys júrgizildi.
Nátıjesinde QR «Múgedekterdi áleýmettik qorǵaý týraly» zańynyń - 1603 ret jáne «Arnaýly áleýmettik qyzmetter týraly» zańynyń 315 ret buzylǵany anyqtaldy.
1,5 myńnan astam zańbuzýshylyq múgedekterdiń áleýmettik jáne kólik ınfraqurylymy nysandaryna, mádenı-oıyn-saýyq uıymdary men sport ǵımarattaryna kirip-shyǵýyn qamtamasyz etpeýmen baılanysty oryn alǵan.
Anyqtalǵan zańbuzýshylyqtardy joıýǵa 379 nusqama berildi, olardyń 71-i boıynsha jalpy somasy 7,4 mln teńgege ákimshilik aıyppul salyndy.
