Saýalnamaǵa eldiń barlyq óńirinen, onyń ishinde 260-tan astam eldi mekender men ózge el turǵyndaryn qosa alǵanda 9 myń respondent qatysty.
Nátıjesinde ortalyq memlekettik organdar arasynda birinshi orynǵa Ulttyq ekonomıka mınıstrligi shyqty - 4,87 ball jáne qanaǵattaný deńgeıi 88,1%.
Ekinshi jáne úshinshi orynda Qorǵanys mınıstrligi (4,86 nemese 88,7%) men Memlekettik qyzmet isteri agenttigi (4,86 nemese 85%).
Reıtıngtiń aýtsaıderleri qatarynda Sıfrlyq damý, ınnovasııalar jáne aeroǵarysh ónerkásibi mınıstrligi, Aqparat jáne qoǵamdyq damý mınıstrligi, Indýstrııa jáne ınfraqurylymdyq damý mınıstrligi bar.
Jergilikti atqarýshy organdar arasynda birinshi oryndy Aqmola oblysy (4,73 balla nemese 80,3%) aldy. Ekinshi jáne úshinshi orynda Pavlodar (4,71 nemese 78,4%) jáne Shyǵys Qazaqstan (4,68 nemese 77,2%) oblystary.
О́ńirler reıtınginiń aýtsaıderleri: Shymkent, Almaty jáne Nur-Sultan qalasy tur.
Monıtorıng barysynda respondentter keri baılanystyń álsizdigine, qyzmetterdiń ashyq qoljetimdiligine kóńili tolmaıtynyn bildirdi. Sondaı-aq memlekettik qyzmetterdi kórsetýdiń jekelegen prosesterin avtomattandyrý, aqparattyq júıelerdi «elektrondyq úkimet» portalymen ıntegrasııalaý boıynsha usynystar kelip tústi.
Búgin múddeli memlekettik organdarǵa 2020 jyly ótkizilgen qoǵamdyq monıtorıng nátıjeleri joldandy, osynyń negizinde memlekettik qyzmet kórsetý sapasyna qoǵamdyq monıtorıng esebinde kórsetilgen usynymdardy oryndaý boıynsha sharalar qabyldanatyn bolady. О́z kezeginde qoǵamdyq monıtorıng usynymdaryn oryndaý Memlekettik qyzmet isteri agenttiginiń turaqty baqylaýynda.
