Sonymen Qazaq memlekettik sırkinde bıylǵy 3 shilde men 15 tamyz aralyǵynda aty ańyzǵa aınalǵan qazaq balýany Qajymuqan Muńaıtpasovtyń 150 jyldyǵyna arnalǵan HELLO CIRCUS atty jańa baǵdarlamasyn bastady.
Aılarǵa sozylǵan karantınnen keıin birinshi ret Almaty sırki súıikti kórermenderine esigin aıqara ashty. Sırk baǵdarlamasynda Qazaq memlekettik sırkiniń qaıtalanbaıtyn qoıylymdary men juldyzdary bar. Sırk maıtalmandarymen kópten qaýyshpaǵan kórermen úshin Dúnıejúzilik kaskaderler akademııasynyń «Taýrýs» syılyǵynyń ıegeri J.Kúnǵojınovtyń jetekshiligindegi attyly akrobatıkalyq «Nomad» toby, tanymal qazaqstandyq sportshy, armrestlıngten halyqaralyq sport sheberi Tımýr Spataev, Monte-Karloda ótken IX Halyqaralyq «Jańa býyn» sırk óneri festıvaliniń kúmis júldegeri, VI Halyqaralyq «Mamontenok» sırk festıvaliniń altyn júldegeri Anastasııa Demıdova jáne «Azııa jańǵyryǵy» Halyqaralyq sırk óneri festıvaliniń altyn júldegerleri Anna Demıdova, Marına Starodýbova, Daıana Jetpisovalar, Eńbek sińirgen qaıratker Qurmanǵalı Dosbatyrovtyń jetekshiligindegi «Beldikterdegi áýe gımnastary», VII Halyqaralyq «Azııa jańǵyryǵy» sırk óneri festıvaliniń Gran-prı ıegeri Tımýr Qorjymbaevtyń «Úıretilgen ıtteri», Hanchjoýda ótken halyqaralyq ıllıýzııalyq óner festıvaliniń altyn júldegeri Lázzat Baıtoqanova, Ádilet Tıkanovtyń jańa «Qos qytaı machtasy», Ravıl Seıdgarıevtyń «Darshylar» syndy qoıylymdardy atap ótý kerek.
Sırk aldymen elorda kúnine oraı Qazaq memlekettik sırki múmkindigi shekteýli balalarǵa, balalar úıiniń tárbıelenýshilerine, ınternattar men az qamtylǵan otbasylardyń balalaryna qaıyrymdylyq qoıylymyn ótkizedi.
«Bizdiń shyǵarmashylyq ujym kishkentaı kórermenderdi qýantý úshin sırk artısteri oflaın rejimde talmaı jumys istedi. Alaıda qazirgi jaǵdaıdy kórip otyrsyzdar. Sondyqtan Ashyq qosymshasy arqyly 30 paıyzǵa deıin kórermen qabyldaýǵa ruqsat berilip otyr. Eń bastysy – halyqtyń densaýlyǵy, sondyqtan da barlyq karantındik saqtyq sharalaryn saqtaı otyryp, júmysymyzdy jalǵastyramyz. Kórermenderdiń alańsyz demalyp qaıtýy úshin oryndyqtar arasyndaǵy araqashyqtyqtar, betperde kııý rejimi saqtalynǵan. О́kinishke qaraı, burynǵydaı zaldy kórermenge toltyra almaıtyndyqtan, buryn bir aıda 10 qoıylym kórsetsek bul joly kórermender kórip úlgersin degen josparmen baǵdarlama ýaqyty bir jarym aıǵa sozylyp, 16 qoıylym kórsetiledi», deıdi Qazaq memlekettik sırkiniń dırektory Baqyt Bókebaev.
ALMATY
