Eńbek jáne halyqty áleýmettik qorǵaý mınıstrliginiń jazýynsha, 9,4 myń múgedektigi bar adam jumysqa ornalastyrylǵan. Onyń ishinde 3,3 myńy - turaqty, 6,1 myńy áleýmettik jumys oryndary, jastar tájirıbesi jáne qoǵamdyq jumystar syndy ýaqytsha jumyspen qamtyldy. 362 adam qysqamerzimdi kásiptik oqytýǵa jiberildi.
«Bastaý bıznes» jobasy boıynsha kásipkerlik negizderine múgedektigi bar1185 adam oqytyldy, onyń ishinde 127-si jobasyn qorǵap shyqsa, 45-i grant, ekeýi shaǵyn nesıe aldy.
Sondaı-aq, «Eńbek» memlekettik baǵdarlamasy aıasynda 158 adam shaǵyn nesıe alsa, taǵy 524 múgedektigi bar adamǵa qaıtarymsyz grant bólindi.
Budan basqa, MBA arnalǵan jumys oryndary kvotasy sheńberinde 4,4 myń adam jumysqa ornalastyryldy. Halyqaralyq tájirıbe negizinde, múgedektigi bar adamdardy jumysqa ornalastyrý úshin arnaıy jumys ornyn jabdyqtaýǵa jumys berýshilerdiń shyǵynyn sýbsıdııalaý engizildi.
2021 jyly kórý, estý jáne tirek-qımyl apparaty buzylǵan adamdar úshin 251,8 mln teńge somasyna 113 arnaıy jumys ornyn qurý josparlanǵan. Aǵymdaǵy jyldyń 1 shildesindegi jaǵdaı boıynsha 19,3 mln teńge ıgerilip, 9 arnaıy jumys orny quryldy.
