VAK-tyń COVID-19 taratpaý týraly habarlamasynda qazirgi kezde respýblıkada 1860 mobıldi monıtorıng toby jumys isteıtini aıtylǵan.
«Olardyń qyzmetterin taldaý barysynda maýsym aıynda belsendilik pen jumys tıimdiliginiń 32%-ǵa tómendegeni anyqtaldy», dep atap ótti basylymda.
Túrkistan, Almaty, Qaraǵandy jáne Atyraý oblystarynda jumys nátıjesi tómendegen. Al Shymkentte, Almatyda jáne Jambyl oblysynda tıimdilik artqany baıqalady.
«Ashyq jobasy aıasynda 35 344 shaǵyn jáne orta bıznes nysany tekserildi. 482 kásiporynda zań buzýshylyqtar anyqtaldy. Respýblıkadaǵy monıtorıngtik toptar 1 qańtardan 24 shildege deıin jalpy sany 132088 reıd júrgizip, 758679 nysandy qamtyǵanyn atap ótken jón. 20158 nysanda shekteý sharalaryn buzý deregi anyqtaldy.
О́tken kezeńde 19 026 adam, onyń ishinde 11 376 kásipkerlik sýbektileriniń ókili jáne 7 650 jeke tulǵa jaýapkershilikke tartyldy. Barlyǵy 1,5 mıllıard teńgeden astam somada aıyppul óndirildi. 91 nysannyń qyzmeti toqtatyldy, sotqa 334 materıal tústi», dep jazylǵan habarlamada.
