Qazaqstan Prezıdenti Aqmola oblysyna jumys sapary barysynda VECTOR410KZ jáne ACROS astyq jınaý kombaındaryn qurastyratyn «KazRost Engineering Ltd.» kásipornyna bardy.
Kompanııa dırektory Qaırat Qalmanbaevtyń aıtýynsha, byltyr 29,5 mıllıard teńgege 504 kombaın jasap shyǵarylǵan. Bıyl jyl sońyna deıin 598 kombaın jáne YTO markaly 300 dóńgelekti traktordyń tórt túrin shyǵarý josparlanyp otyr. Qazirgi tańda kásiporynda 162 adam jumyspen qamtylǵan.
Memleket basshysy kompanııanyń shyǵaryp jatqan ónimi Qazaqstannyń soltústik óńirindegi tyń jerler úshin mańyzdy ekenin atap ótti.
«Aýyl sharýashylyǵy mashınalaryn jasaý biz úshin basym baǵyt sanalady. Úkimet aýyl sharýashylyǵy máselelerimen aınalysýy qajet. Álemde ne bolyp jatqanyn kórip otyrsyzdar. Azyq-túliktiń baǵasy 40 paıyzǵa qymbattady. Biz elimizdegi baǵany ustap turýǵa tyrysamyz. Biraq bul ońaı emes. Atalǵan máselelerdi sheshemiz. Árıne, Qazaqstan aýyl sharýashylyǵy damyǵan el bolýy tıis. Biz is júzinde ózimizdi aýyl sharýashylyǵy ónimderimen tolyq qamtamasyz etýge kóshýimiz kerek. Qazir iri kompanııalarmen jáne ınvestorlarmen jumys istep jatyrmyz», dedi Prezıdent.
