Bratıslavada dıplomattar saýda-ınvestısııalyq yntymaqtastyqty keńeıtýge jáne iskerlik pen týrıstik maqsattar úshin azamattardyń ózara saparlaryn qaıta bastaýǵa ózara qyzyǵýshylyqty talqylady. Osyǵan baılanysty vaksınasııa sertıfıkattary men tólqujattaryn ózara moıyndaýǵa qol jetkizý máselesi kóterildi.
Memlekettik hatshy Martın Klýns Slovakııaǵa kiretin sheteldikter Dúnıejúzilik densaýlyq saqtaý uıymynyń hattamalaryna sáıkes vaksınasııalanýy kerek dep atap ótti.
Qazaqstannyń Slovakııadaǵy Elshisi óz kezeginde qazaqstandyq QazVac vaksınasy, sondaı-aq koronavırýspen kúres barysy jáne vaksınasııalaý barysy týraly habardar etti. Slovakııada Dúnıejúzilik densaýlyq saqtaý uıymy nemese eýropalyq dárilik zattar agenttigi bekitken vaksınalarmen vaksınasııalaý sertıfıkattary tanylady, osyǵan baılanysty DDU maquldaǵannan keıin Slovakııanyń QazVac vaksınasyn moıyndaýyna eshqandaı kedergi bolmaıdy.
