Qoryq dırektory Dýlat Qoılybaevtyń aıtýynsha, elimizde tuńǵysh ret túsirilgeli otyrǵan jańa týyndyǵa ómirin tabıǵat baılyǵyn qorǵaý jolyna arnaǵan qarapaıym jandardyń qajyrly eńbegi men erligi arqaý bolady.
«Bilýimshe, qazir kınony túsirýge daıyndyq júrip jatyr. Fılmniń rejısseri ári ssenarıin jazǵan – Maksım Akparov. Jalpy, qoryqshynyń ár kúni qaýipke toly desek bolady. Sondyqtan bul fılm shytyrman oqıǵaǵa toly bolyp, kórermenderin, ásirese jastardy baýrap alady dep úmittenemiz. Naýyrzym qoryǵynda osydan bir-eki jyl buryn qyzmet babynda júrip eki qoryqshymyz qaza tapty. Túsirilimi taıaý kúnderi bastalaıyn dep otyrǵan kınofılmdi sol kisilerdiń rýhyna qoıylǵan eskertkish dep qabyldasaq artyq bolmaıdy», dedi Naýyrzym memlekettik tabıǵı qoryǵynyń dırektory.
Memlekettik tapsyryspen túsirilgeli otyrǵan jańa týyndyǵa Reseı halyq artısi Sergeı Garmash, ózbekstandyq Seıdolla Moldahanov jáne Dáýren Serǵazın, Jánel Maqajanova, Nyshanbek Jubanov, Erjan Túsipov, Tólepbergen Baısaqalov syndy elimizge tanymal kıno juldyzdary shaqyrylypty. Olardyn I.Omarov atyndaǵy Qostanaı qazaq teatrynyń ártisteri de qalys qalmaǵan.
«Áriptesterim Azamat Chýkeev, Tólendi Álqoja, Qýanysh Maratuly, Nurlybek Kenjahmetovter kastıngten kedergisiz ótti. Olardyń qatarynda men de barmyn. Bul elimizde túsirileıin dep otyrǵan qoryqshylar týraly tuńǵysh fılm, sondyqtan bizdiń ujym úshin úlken tájirıbe mektebi bolmaq», dedi teatr dırektory Álimhan Myrzahan.
Kınony túsirý jumystary 8 tamyzda bastalady.
