TOKYO2020 • 27 Shilde, 2021

Talaby erek Bosqyndar quramasy

80 ret kórsetildi

Tórtjyldyqtyń basty básekesinde Bosqyndar quramasy da baq synaýda. Otanyndaǵy qıyn jaǵdaılarǵa baılanysty týǵan elinen ketýge májbúr bolǵan sportshylar bıyl bólek odaq quryp, óner kórsetip jatyr.

29 sportshydan quralǵan top 12 sport túri boıynsha baq synaıdy. Halyqaralyq Olımpıada komıteti bıylǵy dodaǵa qatysýǵa usy­nys bergen 56 ótinishti qaras­tyrǵan. Nátıjesinde, Aýǵan­stan, Vene­sýella, Kongo Demokratııalyq Res­pýb­lı­ka­sy, Erıtreıa, Iran, Irak, Kamerýn, Kon­go Res­pýb­lı­kasy, Sırııa, Sýdan, Ońtústik Sýdan sportshyla­ryna jol­dama berildi.

«Men barlyq Olımpıada qoz­ǵa­­lysynyń atynan sizdermen júz­desip, Tokıodaǵy básekege da­­ıyn­­dyqtaryńyzdy kórýge asyq ekenimizdi bildirgim keledi. Siz­der­diń óner kórsetýlerińiz búkil álemge myqtylyq pen úmittiń bel­gi­si bolmaq», dep HOK basshysy Tomas Bah jol­dama tabystady.

Endi sportshylar júzý, jeńil atletıka, badmınton, boks, velo­sport, aýyr atletıka, kúres syn­dy sport túrleri boıynsha baq synap júr. Máselen, Iýsra Mardını 100 metrge júzý bo­ıyn­sha óner kórsetip úlgerdi. Nátıjesi jaqsy bolmasa da, kópshiliktiń kózine túsip úlgerdi. Sırııalyq qyz 2015 jyldan bastap Germanııada tu­rady. Bul dodaǵa bes jyl daıyndalǵan. Bul – onyń ekinshi Olımpıadasy. 2016 jyly Rıo-de-Janeırodaǵy Olımpııa oıyn­darynda boı kórsetkennen keıin basylymdar Iýsra týraly jaza bastady. Ol óziniń taǵdyry týraly syr shertip, Sırııadan qashqanda sińlisi ekeýiniń rezeńke qaıyǵynyń jeli shyǵyp ketip, 3,5 saǵat boıy teńizde júzýge májbúr bolǵandyqtaryn aıtqan.

Iýsra Mardını erıtreıalyq jeńil atlet Tahlovını Gabrıesos­pen birge Bosqyndar quramasynyń jalaýyn ustap shyǵý mártebesine ıe boldy. Iýsra ol sezimdi jetkizý­ge sóz tappadym dep aǵynan ja­ryl­dy. Sarapshylar bul onyń soń­ǵy qatysýy dep boljaıdy. Sport­shy Germanııa azamattyǵyn alyp, oqýyn jalǵastyryp, sport mek­tebin ashýdy armandaıtynyn aıtty.

Bul topqa múshe bolý úshin sportshy Olımpıadaǵa engizilgen sport túrleri boıynsha jo­ǵa­ry nátıje kórsetýge tıis. Sony­men qa­tar BUU rastaǵan bos­qyn degen mártebege ıe bolýy kerek. Quramanyń tolyq resmı aty – Bosqyndar Olımpıada quramasy. Olar Olımpıada jalaýy men Olımpıada ánuranyn menshiktegen. HOK ár bosqyndy kórsetken nátıjesine qaramastan Olımpıada stıpendııasymen qol­daıdy.

Eń alǵash Bosqyndar quramasy Rıo-de-Janeıroda ótken Olımpııa oıyndaryna qatysqan edi. Onda 10 sportshy óner kórsetti. Kóbi ol kezde bul quramany baıqamaǵanyn aıtady. Alaıda qazir olardy baıqamaý múmkin emes. О́ıtkeni bıyl olardyń sany shamamen 3 esege ósti. Oǵan qosa, sportshylardyń taǵdyry júrekti eljiretpeı qoı­maı­dy. Ár tulǵanyń artynda aýyr taǵdyr, bir ulttyń tarıhy jatyr.

Aýǵanstandyq Nıgara Shahın – talantty dzıýdoshy. Dese de óz Otanynda qyz balaǵa bul sport túrimen aınalysýǵa ruqsat joq. Súıikti isimen aınalysqysy kelgen jas qyz elin tastap, Reseıge qonys aýdarǵan.

Joǵaryda esimi atalǵan Tah­lo­­vını Gabrıesos 12 jasynda Afrıkanyń shyǵysyndaǵy qaladan shyǵyp, Izraılge deıin jaıaý jetken. Sýdan men Mysyrdyń shólin jaıaý kesip ótken batyr. Búginde Izraılde turyp, jeńil atletıkamen aınalysady. Ony jergilikti klýb qoldaıdy, HOK stıpendııasyn alady.

Quramada Irannyń 5 azamaty bar. Kımııa Alızade taekvondodan 2016 jylǵy Olımpııa oıyn­darynda qola júldeger atan­ǵan. Iranda Olımpıada meda­lin taqqan alǵashqy áıel.

Sportshylardyń basty maqsa­ty jeńis bolmaýy da múmkin. Olar álem­ge óz taǵdyry men eli­niń tarı­hyn estirtkisi keledi. Osy arqy­ly jaqsy ómirge aıaq basyp, bosqyndar máselesin sheshý­ge múmkindik alǵandar da az emes. Máselen, Iýsra Mardını BUU baǵ­darlamalary aıasynda bosqyndar jaǵdaıyna qatysty máselelerdi sheshýge kómektesedi. Under Armour kıimder brendin tanystyrady.

Masoma Alı Zadı – Halyq­aralyq sport basylymdary qa­ýym­dastyǵynyń turaqty ókili. Ázirge eshqaısysy kósh bastap, ozyp shyqpasa da, halyqaralyq arenada búgingi kúnniń mańyzdy máse­leleriniń birin kóterip júr­genine qýanyshty ekenin aıtady.

Sońǵy jańalyqtar

«Omıkron» «Toıotany» qyspaqqa aldy

Tehnologııa • Búgin, 14:00

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar