О́ńirde «Ashyq» jobasyna qatysyp jatqanyna qaramastan, demalys jáne mereke kúnderi adam kóp jınalatyn birqatar nysandardyń jumysyna shekteý qoıylatyn boldy. Birinshi tamyzdan óńirdegi mádenı nysandar, teatrlar men kınoteatrlardyń jumysy toqtaıdy. Al qoǵamdyq tamaqtaný oryndary jumys kúnderi saǵat 20:00-ge deıin ǵana jumys isteıdi.
Sondaı-aq, kólemi 2000 sharshy metrden asatyn azyq-túlikten basqa taýarlar satatyn saýda ortalyqtarynyń, ashyq jáne jabyq bazarlardyń, saýna, SPA-ortalyqtar men basseınderdiń, termoparktiń jáne jabyq sport nysandarynyń jumysy shekteledi.
- Qurmetti oblys turǵyndary, ózderińizdi kútip, jaqyndaryńyzdyń densaýlyǵyna jaýapkershilikpen qaraýlaryńyzdy, indetke qarsy is-sharalardyń talap-erejelerin saqtaýǵa jáne COVID-19-ǵa qarsy ýaqtyly vaksınasııadan ótýge keńes beremin, - dedi Arhımed Muhambetov.
Shtab otyrysynda oblystyq densaýlyq saqtaý basqarmasy basshysynyń mindetin atqarýshy R. Aıtbaevtyń, Arqalyq jáne Rýdnyı qalasy men Jitiqara aýdany ákimderiniń esebi tyńdaldy.
Sondaı-aq, monıtorıngtik toptardyń jumysy talqylandy. Monıtorıngtik top ókilderiniń sózinshe, 1 maýsym men 25 shilde aralyǵynda óńirde 4 724 reıdtik is-shara ótkizilip, karantın talaptaryn buzýdyń 190 deregi anyqtalǵan.
О́ńirdegi epıdemııalyq ahýal jaqsarǵan jaǵdaıda tamyzdyń on tórtine qaraı shekteý sharalaryn qaıta jeńildetý týraly másele qaralatyn bolady.
Qostanaı oblysy
