О́zine bekitilgen aýmaqta reıd jasap júrgen ýchaskelik polısııa ınspektory Túrkistan QPB-ǵa habarlama túsirdi. Ol óziniń habarlamasynda aýlalardy aralap júrgende jergilikti turǵynnyń aýlasynda esirtkige uqsas zatty baıqaǵanyn jetkizdi.
Aqparat túsken sátten bastap tártip saqshylary birden jedel-izdestirý sharalaryna kiristi. Osylaısha, kúdikti narkologııalyq dıspanserdiń esebinde turatyn jergilikti turǵyn bolyp shyqty.
Aýlasynan tárkilengen esirtki tektes 22 túp sot-saraptamaǵa jiberildi. Nátıjesinde esirtkiniń sora ekeni anyqtaldy. Qazirgi tańda sotqa deıingi tergeý amaldary júrgizilýde.
Atalǵan jaıt SDTBT-ǵa QR QK-niń 300-baby (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha tirkeldi.
