Aımaqtar • 28 Shilde, 2021

Ekpe almaǵandardyń 98%-y jansaqtaý bólimine túsip jatyr

119 ret kórsetildi

Búginde Almatynyń ınfeksııalyq stasıonarlarynda 3943 adam emdelip jatyr. Reanımasııada jatqandardyń 98%-y vaksınalanbaǵan. О́ńirlik kommýnıkasııalar qyzmetinde ótken baspasóz konferensııasynda №5 qalalyq emhananyń bólim meńgerýshisi Gúlzat Baızahova almatylyqtarǵa vaksınany keıinge qaldyrmaýǵa shaqyrdy.

Dárigerdiń aıtýynsha, kovıdti gospıtaldiń reanımasııasynda 267 almatylyq bar, О́JJ-de – 28 adam, ınvazıvti emes О́JJ-ge 110 adam qosýly bolsa, taǵy 103 naýqas High flow apparatynyń kómegimen em alýda.

Gúlzat Baızahova 27 shildedegi jaǵdaı boıynsha Almatyda koronavırýs ınfeksııasyn juqtyrǵan 1 250 naýqastyń tirkelgenin habarlady.

«Qaýipti indetti  juqtyrǵandardyń   kóptiginen naýqastardy ornalastyrý úshin tósek-oryn sanyn kóbeıtýdemiz. Qazirdiń ózinde qalanyń 3 943 turǵyny ınfeksııalyq stasıonarlarda jatyr. Sonyń ishinde 215 bala bar. Sonymen qatar 7 702 naýqas  mobıldi brıgada men telemedısına ortalyǵynyń kúndelikti baqylaýynda. Sebebi, kóbisi  ekpe  almaǵan jáne  betperde rejımin saqtamaǵan», – dedi bólim meńgerýshisi.

G. Baızahovanyń aıtýynsha, vaksına adamnyń indet juqtyrmaýyna 100 paıyz kepildik bere almaıdy. Siz aýrý juqtyrýyńyz múmkin, biraq ol jeńil túrde ótedi.

«Shynynda bizde vaksınaǵa qarsy adamdar bar. Biraq bul tek 1-2%. Qalǵandary vaksınalanbaǵan naýqastar. Vaksınadan ótpegen turǵyndar qaýipti, olardyń ımmýnıteti vırýstyń mýtasııasyna kóbirek beıim», – deıdi bólim meńgerýshisi.

Eger buryn juqtyrǵandardyń kópshiligi 60 jastan asqandar bolsa, sońǵy aptada dárigerler naýqastardyń ishinde jastar men balalardyń kóbeıgenin aıtty. Bul jańa «úndi» shtamynyń paıda bolýymen baılanysty. Ol óte  juqpaly jáne ınkýbasııalyq kezeńi de qysqa. G. Baızahova jasyna jáne sozylmaly aýrýlardyń bolýyna qaramastan ekpe alý óte mańyzdy dep sanaıdy. Onyń aıtýynsha, vaksınaǵa kúmánmen qaraıtyn adamdar janama áserden qoryqpaýy kerek.

«Vaksınadan keıin adamdarda belgili bir reaksııa paıda bolady. Bul qalypty dene qyzýynyń paıdabolýy. Sondaı-aq ıneksııa orny aýyrǵan kezde jergilikti reaksııa bar. Adamnyń vaksınaǵa reaksııasy bar joǵy ımmýnıtetke baılanysty emes. Bul antıdene tıtrine táýeldi emes. Vaksınany alǵannan keıin ekkken jerdi úsh kún boıy sýtıgizbeý, monsha men saýnaǵa barýdan bas tartý, alkogol ishpeý jetkilikti. Sondaı-aq osy kezeńde fızıkalyq júktemelerden aýlaq bolý kerek», – dedi G. Baızahova.

Dáriger Qazaqstanda bar vaksınalardyń túbegeıli aıyrmashylyqtary joq deıdi. Olardyń barlyǵy ımmýnıtetti qalyptastyrady.

«Vaksınanyń eki komponentin alǵannan keıin adam birden  vaksına pasportyn alady. Sebebi derekter elektrondyq úkimet portalymen baılanysty. E-Gov mobile qosymshasyndaǵy «sıfrlyq qujattar» bóliminde qajetti qujatty kórýge nemese emhanadan anyqtama alýǵa bolady», – dep túsindirdi G. Baızahova.

Almatyda 1 aqpan men 27 shilde aralyǵynda 690 711 adam vaksına aldy. О́tken táýlikte 5 001 qala turǵyny ekpe aldy. 60 jastan joǵary vaksına alǵan adam sany 96 553.

 

ALMATY

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar