Jarlyqqa sáıkes áleýmettik-ekonomıkalyq obektilerdiń jumysyn shekteý krıterııleri ózgertildi.
«Ashyq» jobasyna qatysatyn nysandardy qospaǵanda, kosmetıkalyq qyzmet kórsetetin ortalyqtardyń, sulýlyq salondarynyń, shashtarazdardyń, manıkıýr jáne pedıkıýr qyzmetteriniń jumysy ýaqyty 9:00-den 20:00-ge deıin qyqarady. «Kóshbasshy» mártebesi bar nysandar saǵat 22:00-ge deıin juıys iseýge ruqsat beriledi.
Sondaı-aq, qujatqa sáıkes, qyzmetkerlerdiń 80%-yna qashyqtyqtan jumys jasaý usynylady. Bul rette COVID-19-qa qarsy vaksınasııanyń tolyq kýrsyn alǵan qyzmetkerge ǵana keńsede jumys isteýge ruqsat etiledi.
Ashyq jobasyna qatysatyn qoǵamdyq tamaqtaný oryndary saǵat 7:00-den 20: 00-ge deıin, «Kóshbasshy» mártebesine ıe qatysýshylar 22:00-ge deıin jumys isteıdi.
Ashyq jobasyna qatysatyn fýd-korttarǵa jumys ýaqytyn 10:00-den 20:00-ge deıin belgilep, aýa resırkýlıasııasymen jumys isteýge ruqsat etiledi.
Monsha jumysyna tyıym salynady. Al Ashyq jobasyna qatysatyn fıtnes ortalyqtary, sporttyq keshender, saýyqtyrý ortalyqtary, onyń ishinde ıoga ortalyqtary saǵat 6:00-den 20:00-ge deıin, «Kóshbasshy» mártebesi bar qatysýshylar 22:00-ge deıin ashyq bolady.
Ashyq jobasyna qatysatyn oıyn-saýyq ortalyqtary, saýda úıleri jáne saýda jelileri 8:00-den 20:00-ge deıin, «Kóshbasshy» mártebesi bar qatysýshylar - 22:00-ge deıin jumys isteıdi.
Senbi men jeksenbi kúnderi barlyq nysan jabyq bolady.
Qujat týraly jáne basqa obektilerdiń jumys rejımi týraly tolyǵyraq aqparatty Shymkent qalasynyń sanıtarııalyq-epıdemıologııalyq baqylaý departamentiniń saıtynan alýǵa bolady.
Qaýly 2 tamyzda kúshine enedi.
