Aımaqtar • 28 Shilde, 2021

Almatyda jarty kúnde 100 shaqty qoǵamdyq kólikte betperde rejımi tekserildi

28 ret kórsetildi

Almatyda koronavırýstyq ınfeksııanyń taralýyna jol bermeý maqsatynda ujymdyq ımmýnıtetti qalyptastyrý aıaqtalǵanǵa deıin tegin vaksına arqyly karantındik shekteýlerdiń saqtalýyn qamtamasyz etý boıynsha sharalar qabyldanyp jatyr, dep habarlaıdy Egemen.kz.

Juqtyrýdyń yqtımal oryndarynyń arasynda (saýda nysandary, naryqtarmen qatar) qoǵamdyq kólikte qatynaý 16%-dy kórsetti. Osy segmentte arnaıy monıtorıngtik toptardyń jumysy kúsheıtildi.

Búgin qalanyń barlyq aýdandarynda saǵat 07.00-den bastap Almaty qalasynyń monıtorıngtik toptarynyń ókilderi qoǵamdyq kólik pen avtobýs aıaldamalaryn tekserýde. Tekserýshiler jolaýshylardy jáne avtobýs pen trolleıbýs júrgizýshileri betperde taǵyp júrgenderin qadaǵalaıdy, qala turǵyndarymen túsindirme jumystaryn júrgizedi.

Tekserýshilerdiń aıtýynsha, Almaty aýmaǵy arqyly júretin 100-den astam avtobýsqa monıtorıng júrgizildi. Monıtorıng toptary avtobýs marshrýttaryn atady, onda birneshe buzýshylyqtar anyqtaldy. Olardyń ishinde: 1, 98, 32, 123, 79 11, 9, 45, 22, 135, 105, 201, 7, 126, 60, 114, 25, 5, 5B, 29, 65, 37, 205, 224, 20, 148, 38, 62, 210 bar.

"Qalada koronavırýs juqtyrǵandar sany ósti. Úıde jáne qoǵamdyq kólikte juqtyrý qaýpi joǵary. Sondyqtan karantın kezinde jolaýshylar betperda rejımin saqtaýy kerek", dep túsindirdi tekserýshiler.

Kúnniń birinshi jartysynda 14 jeke tulǵaǵa qatysty QR ákimshilik kodeksiniń 425-baby 1-bóligi boıynsha ákimshilik hattamalar jasaldy. Betperde rejımin buzǵany úshin ákimshilik jaýapkershilikke tartylady.

Almatyda COVID-19 jaǵdaıy kúrdeli kúıinde qalyp otyr. О́tken táýlikte megapolıste epıdemıologtardyń málimetteri boıynsha KVI juqtyrýdyń 1369 jaǵdaıy tirkelgen, karantındik shekteýlerdi qatań saqtaý qajet. Betperde taǵý basqalarǵa aýrý juqtyrý qaýpinen qorǵaıdy ári ınfeksııanyń taralýyn azaıtady. Sondaı-aq eske salsaq, koronavırýstyq ınfeksııamen kúresýdiń jalǵyz ádisi vaksına alý, Almatyda 212 ekpe pýnktiniń bazasynda tegin júrgiziledi.

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar