Aımaqtar • 28 Shilde, 2021

Tutynýshylardan taýar men qyzmetterdiń sapasyna myńǵa jýyq shaǵym tústi

17 ret kórsetildi

Almaty qalalyq Tutynýshylardyń quqyqtaryn qorǵaý departamentine 2021 jyldyń 6 aıynda 986 ótinish tústi. Bul týraly О́ńirlik kommýnıkasııalar qyzmetinde ótken brıfıngte Departament basshysynyń mindetin atqarýshy Sáýle Mahatova habarlady.

Spıker dıalogtyq alańdardy tańdaýdyń keńdigi azamattarǵa jazbasha da, Telegram-bot jelisi arqyly da júginýge, sondaı-aq basshylardyń qabyldaýyna jeke jazylýǵa múmkindik bergenin aıtady. Sondaı-aq ótken jyldyń bel ortasynan bastap tutynýshylardyń quqyqtaryn qorǵaý júıesi ózgerdi.

Sáýle Mahatovanyń aıtýynsha, qazirgi jaǵdaıda ár adam ómir boıy taýarlardy, jumystar men qyzmetterdi tutynýshy, tutyný naryǵynda qalyptasqan quqyqtyq qatynastardyń qatysýshysy retinde áreket etedi. 2021 jyldyń basynan bastap tutynýshylardan túsken ótinishterdiń basym bóligi bólshek jáne elektrondyq saýdaǵa, turmystyq qyzmetterdi alý faktilerine jáne TKSh qyzmetteri salasyna qatysty boldy.

"Naqty qaıtarýdyń jalpy somasy 28 425 969 teńgeni qurady. 9 tekserý júrgizildi, olarda zań buzýshylyqtary rastalmady. Qalǵan barlyq faktiler boıynsha buzýshylyqtardy joıý týraly sheshim shyǵarylyp, aıyppul salyndy", – dep habarlady Almaty qalasy Tutynýshylardyń quqyqtaryn qorǵaý departamentiniń ókili.

Almatylyq tutynýshylardyń shaǵymdarynyń spektri – bul sapasyz taýar men qyzmetter úshin qarjynyń qaıtarylmaýy, taýardy aıyrbastaýdan nemese qaıtarýdan bas tartý, alynǵan qyzmetter sapasynyń tómendigi.

S. Mahatova 2020 jyl tutynýshylardyń quqyqtaryn qorǵaý salasyndaǵy úlken ózgeristerdiń bastaýy bolǵanyn aıtty.

"2020 jylǵy 25 maýsymda "Tutynýshylardyń quqyqtaryn qorǵaý týraly" zańǵa túzetýlerdiń 1-toptamasy qabyldandy. Bul mańyzdy qadam tutynýshylardyń shaǵymdaryn qaraýdyń 3 satyly mehanızmin (satýshy memlekettik organdar – sot) iske qosýǵa, "memlekettik" jáne "qoǵamdyq" baqylaýdy engizýge, kásipqoılar qatarynan quqyq qorǵaýshylar tizimin qalyptastyrýǵa kómektesti", dedi spıker.

Jańa mehanızm satýshynyń tutynýshylardyń shaǵymyna jaýap berý mindettemesin, tutynýshynyń quqyqtaryn qamtamasyz etý algorıtmin qarastyrady. Ol úshin tutynýshylardyń shaǵymdaryn qaraýdyń úsh satyly júıesi engizildi.

Sonymen, birinshi kezeńde satýshy satyp alýshynyń shaǵymyn óz betinshe nemese tutynýshylardyń quqyqtaryn qorǵaý uıymdaryn tarta otyryp qaraýǵa mindetti.

"Bul shaǵymdardy osy jerde jáne qazir beıbit jolmen sheshýge bolatyn alǵashqy kezeń. Bul jaǵdaıda úkimettik emes uıymdar daýdy sotqa deıin retteý sýbektileri retinde áreket etedi. Ekinshi saty memlekettiń qosylýyn kózdeıdi. Iаǵnı, eger satýshy keliskisi kelmese, shaǵym tutynýshylardyń quqyqtaryn qorǵaý komıtetine nemese basqa mamandandyrylǵan organǵa jiberiledi. Mysaly, eger satýshy tarazyny burap tastasa nemese ınternet-dúken taýardy jibermese, onda ol alaıaqtyqqa "tartylady" jáne IIM organdarynyń jumys salasy bolady", dep túsindirdi Sáýle Mahatova.

Sotqa júginý shaǵymdy qaraýdyń sońǵy satysy. Kásipkerlerge jáne úkimettik emes uıymdarǵa máseleni memlekettiń qatysýynsyz sheshýge múmkindik beriledi.

Tutynýshylarǵa, bızneske jáne memlekettik organdarǵa yńǵaıly bolý úshin 2021 jylǵy 1 qańtardan bastap shaǵymdardy qabyldaý men qaraýdyń e-tutynushy.kz biryńǵaı aqparattyq júıesi iske qosyldy.

Sońǵy jańalyqtar

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

9 sý qoımasy salynady

Ekologııa • 22 Qazan, 2021

Qaraǵandyda jer úıden órt shyqty

Oqıǵa • 22 Qazan, 2021

Golovkınge qarsy Mýratanyń múmkindigi bar ma?

Kásipqoı boks • 22 Qazan, 2021

Memleket basshysy Asqar Mamındi qabyldady

Prezıdent • 22 Qazan, 2021

Uqsas jańalyqtar