Osy jyly astanada «Soltústik jotasy» karerin odan ári rekýltıvasııalaı otyryp, qurylys qaldyqtaryn jınaıtyn ári óńdeıtin arnaıy alań jumysy jolǵa qoıylady. Bul alańda kirpish, asfalt, beton qaldyqtary sııaqty qurylys qaldyqtaryn qaıta óńdeıtin usatý keshenin ornatý qarastyrylǵan. Munda qurylys qaldyqtarynyń 50%-yn qıyrshyq tasqa, 10-15%-yn armatýraǵa jáne basqa da materıalǵa óńdeýge bolady.
Jalpy, shaharda qoqys óńdeý zaýytyn jańǵyrtý jumystary jalǵasyp jatyr. Bul kásiporyn qýatyn eki esege – jylyna 250 myń tonnadan 450 myń tonnaǵa deıin arttyrýǵa múmkindik beredi. Buǵan qosa qatty turmystyq qaldyqtardy jeke jınaý úshin arnaıy konteınerler, sondaı-aq quramynda synaby bar shamdardy jınaýǵa arnalǵan konteınerler ornatyldy. Turmystyq qatty qaldyqtardy óńdeý deńgeıi 75%, qaıtalama shıkizatty alý 17% kórsetkishine jetti.
Nur-Sultan ákimdigi qala ekologııasyn jaqsartý boıynsha júıeli jumys júrgizýde. Sonyń ishinde qala aýmaǵynda ruqsat etilmegen qoqys úıindilerin joıý jáne boldyrmaý boıynsha jumystar qolǵa alynǵan. Jyl basynan beri ekologııalyq polısııamen birlesip 100-den asa ruqsat etilmegen qoqys orny joıyldy. Polıgonǵa 70 myń tonnadan asa qaldyq shyǵaryldy.
Qoqysty belgilenbegen oryndarǵa jınap qoıǵany jáne zańsyz túsirgeni úshin 1000 quqyq buzýshy (qurylys uıymdary, kásipkerler jáne t.b.) ákimshilik jaýapkershilikke tartyldy. Quqyq buzýshylar iKomek qyzmetiniń arqasynda jaýapqa tartylady. Birneshe ret qaıtalanǵan jaǵdaıda qurylys jumysy toqtatylady.
Elordalyq qorshaǵan ortany qorǵaý jáne tabıǵatty paıdalaný basqarmasynyń málimetinshe, jýyrda Aqmola oblysynyń Aınalma joly aýmaǵynda, sondaı-aq Baıqońyr aýdanynda vedomstvo ınspektorlary apatty qoqys úıindileri boıynsha reıdtik is-sharalar ótkizdi. Reıd barysynda polıgondar joıyldy.
О́tken jylmen salystyrǵanda ruqsat etilmegen qoqys tastaıtyn oryndar sany ákimdik tarapynan kúsheıtilgen baqylaýdyń nátıjesinde 533-ten 385-ke deıin, ıaǵnı úshten biri azaıǵan. Bıyl astanada 42 myń tonnadan astam qoqys kádege jaratylyp, 100-den astam ruqsat etilmegen qoqys úıindisi joıyldy.
Al ruqsat etilmegen qoqys oryndary jyl saıyn «Qazaqstan Ǵarysh Sapary» AQ Geoportalynyń ǵaryshtyq monıtorıngi arqyly tabylyp, joıylyp jatqanyn atap ótken jón.
