Delegasııa quramynda 44 adam keldi, onyń 23-i sportshy. Qatarynda erkin jáne áıelder kúresi, ártistik júzý, kórkem gımnastıka men júzý, bessaıys pen jeńil atletıka sportynyń ókilderi bar.
Jeńil atletıka jarystary 30 shildede bastalady. Áıelder 100 metr qashyqtyq pen úsh qarǵyp sekirý boıynsha baq synaıdy. Otandyq sportshylardan Olga Rypakova, Olga Safronova, Marııa Ovchınnıkova, Irına Ektova qatysady.
Erler arasynda 400 metr qashyqtyq boıynsha Mıhaıl Lıtvın 1 tamyzda jarysqa qosylady.
1 tamyzdan bastap Elmıra Syzdyqova bastaǵan balýandar men grek-rım kúresiniń sheberi Meırambek Aınaǵulov jarys alańyna shyǵady.
2 tamyzda ártistik júzýden Aleksandra men Ekaterına Nemıchter, 5 tamyzda qazirgi bessaıys boıynsha Elena Potapenko men Pavel Ilıashenko, 6 tamyzda kórkem gımnastıkadan Alına Ádilhanova óner kórsetedi.
