Foto "Qazaqfılmnen"
Kınotýyndynyń prodıýseri Iýlııa Kımniń aıtýynsha, kartına Fransııanyń 21 qalasynda kórsetiledi. Búgin Parıjdegi Espace Saint Michel kınoteatrynda fılmniń arnaıy kórsetilimi ótedi.
«Osy bir jarym jyl ishinde qanshama tógilgen ter, atqarylǵan jumys jatyr. Pandemııaǵa baılanysty Fransııadaǵy tusaýkeser úsh márte keıinge shegerildi. Degenmen, qıyndyqqa qaramastan úmitimiz úzilmedi. Fılmniń túsirý toby men akterlerimizdi osy qýanyshpen quttyqtaımyn»,dep jazdy prodıýser óziniń Facebook-tegi paraqshasynda.
Esterińizge sala ketsek, óndirisine «Qazaqfılm» jáne japondyq Tokyo New Cinema kompanııasy atsalysqan fılm Oljas esimdi 12 jastaǵy bala týraly. Onyń ákesi barymtashylardyń qolynan qaza tapqan.
Fılmde basty rólderdi Kann kınofestıvalinde úzdik aktrısa atanǵan Samal Eslıamova (Qazaqstan), tanymal qazaqstandyq akter Dýlyǵa Aqmolda, Mádı Mınaıdarov jáne japondyq akter Mıraı Morııama somdaıdy.
Aıta keteıik, «Barymtashylar. Ýaqyt joldary» fılmi alǵash 2019 jyly halyqaralyq Býsan kınofestıvalinde kórsetilgen bolatyn. Byltyr Japonııada prokatqa shyqqan. Al Qazaqstanda santıarlyq-epıdemııalyq ahýal jaqsarǵanda prokatqa shyǵady dep josparlanyp otyr.
