– Toqtarbek, búgingi jeńilisińdi nemen túsindiresiń?
– Negizi, birinshi raýndta aqyryn júrip, qarymta soqqylarmen shabýyldaımyn dep josparlaǵanmyn jáne solaı jasadym da. Alaıda birinshi raýndta 0:5 esebimen jeńilemin dep oılaǵan joqpyn. Ekinshi-úshinshi raýndta ózim shabýylǵa shyǵyp, biraz soqqy jasadym. Biraq barlyǵy men oılaǵandaı bola qoıǵan joq. Qorytyndy esepke kóńilim tolmaı tur.
– Tóreshiler sheshimi ekige jaryldy. Eki tóreshi 29:28 esebin tirkep, seniń paıdańa sheshse, úsh tóreshi brazılııalyqqa 29:28 bergen eken.
– Árkimniń óz pikiri, óz kózqarasy bar. Solaı bolý kerek bolǵan ǵoı. Onyń ústine meniń halyqaralyq jarysqa shyqpaǵanyma kóp boldy. Búgin oıdaǵydaı bokstaspaǵanyma sol da áser etken shyǵar.
– Endi seniń qarsylasyń taǵy bir qazaqpen shırek fınalda kezdesetin boldy...
– Ábilhandy men jaqsy tanımyn. Tájirıbeli boksshylardyń biri. Oǵan sáttilik joldas bolyp, Olımpıadada chempıon atansyn degim keledi.
– Qazaqstan boksshylarynyń qaısysy altyn alady dep oılaısyń?
– Negizi men Bekzat Nurdáýletovti chempıon bolady dep oılaǵanmyn. О́kinishke qaraı, Bekzat baýyrym jeńilip qaldy. Endi qalǵan boksshylardan úmit kútemin. Barlyǵy jeńiske jetsin.
– Qazaqstanda boldyń ba? Bizdiń boksshylardan kimderdi tanısyń?
– Qazaqstanda buryn bolǵanmyn, kóp boksshyny tanımyn.
