Kıno • 30 Shilde, 2021

Bizdiń «Mergen» Kanadada ótetin janrlyq kınofestıvalǵa qatysady

27 ret kórsetildi

Qazirgi tańda tórtkúl dúnıege tanymal ne­bir kınore­jısser­lerdiń tyrnaqaldy týyn­dy­larynyń tusaýyn ke­sip bergen Fantasia kıno­festıvaliniń ótip kele jatqanyna bıyl shırek ǵasyr tolmaq. Bul joly jerlesimiz, rejısser-debıýtant Raıymbek Áljanovtyń «Mergen» qysqametrli fılmi osy halyqaralyq kınododaǵa joldama alyp otyr.

Janrlyq kartınalarǵa ar­nalǵan álemdegi bedeldi fes­­tıvaldardyń biri – ta­myz­dyń 5-i men 25-i ara­ly­ǵyn­da Kanadada ótedi. Al­dymen atal­ǵan kınotýyn­dyny Má­denıet jáne sport mınıstrliginiń tap­syrysy­men jáne «Ulttyq kınony qoldaý ortalyǵy» KeAQ qoldaýymen Sh.Aımanov atyn­daǵy «Qazaq­fılm» AQ tú­sirgenin aıta ke­tý kerek.

– «Mergen» fılminiń al­ǵashqy kórsetilimi Fantasia kıno­festıvali aıasynda óte­tinine óte qýanyshtymyz. Mon­­­tajdaý jumystary aıaq­tala salysymen baıqaýǵa jiberdik. Osy oraı­da ma­ǵan qoldaý bildirip, fılm­niń shy­­ǵýyna atsalysqan bar­lyq tú­sirý tobyna erekshe alǵy­sym­dy bildirgim keledi, – dedi rejısser Raıymbek Ál­janov.

Fılmniń oqıǵa jelisi XVII ǵasyrdaǵy Uly daladaǵy so­ǵys kezinde órbıdi. Atalǵan fılm­de qarshadaı bolsa da, qolyna qarý alyp, otbasyn qor­ǵaýǵa bel býǵan Mergen esim­di ba­la­nyń ómiri baıan­dalady.

Fılmdegi basty rólde Álıhan Ábı oınaıdy. Son­daı-aq bul kartınaǵa Raı­han Aıtqojanova jáne Dý­­ly­­ǵa Aqmolda syndy tany­mal akterler túsken. Fılm­niń tú­sirý jumystary Al­ma­ty ob­ly­syndaǵy Túr­gen shat­qalynda jáne «Qa­zaqfılmniń» pa­vılon­da­rynda júrgizildi.

Bıyl 25-shi ret ótkizilip jatqan Fantasia halyqaralyq kıno­festıvali – álemdegi janr­­­lyq fılmderge arnal­ǵan bir­den-bir baıqaý. Atal­ǵan kınofestıval aıasynda Kven­­tın Tarantıno túsir­gen «Aby­roısyz shata», Tı­mýr Bekmambetovtiń «Tún­gi shol­ǵynshy», sondaı-aq «Bel­gi­lengen oryn» fran­shı­z­a­synyń bir bóliminiń tusaýy kesilgen bolatyn.

Festıvaldyń Radical spirit atty qys­qame­tr­li fılm­derge arnalǵan baı­qaýyna qazaq­standyq kartınamen birge Uly­­brıtanııa, Mek­sıka, Aýs­tralııa, AQSh, Qy­taı jáne Oń­tústik Ko­reıanyń týyn­dylary qatysady.

 

ALMATY

 

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar