Áıelder arasyndaǵy úsh qarǵyp sekirý baǵdarlamasynda saıysqa túsken Olga Rypakova, Irına Ektova, Marııa Ovchınnıkova fınalǵa shyǵa almaı qaldy.
Aıta ketelik, jarysqa qatysshýylarǵa úsh múmkindik beriledi. Al fınaldyq synǵa 12 sportshy joldama alady. Ol úshin 14, 40 metrdi baǵyndyrý kerek.
Rypakova óziniń eń úzdik múmkindiginde 13,69 metrge sekirdi. Bul fınalǵa ótý úshin jetkiliksiz.
Sondaı-aq, irikteý kezeńinde Marııa Ovchınnıkova men Irına Ektova da synǵa túken bolatyn. Olar jarystyń birinshi aınalymynan asa almaı, 26-shy jáne 31-shi oryn aldy.
Eske sala keteıik, Olga Rypakovanyń enshisinde Olımpıadanyń úsh medali bar. Ol 2012 jylǵy London Olımpıadasynda chempıon atansa, 2008 jylǵy Beıjiń oıyndarynda kúmis, 2016 jylǵy Rıo Olımpıadasynda qola medal jeńip alǵan.
