Toı toılaý toqtamaı tur

О́ıtkeni bul óńirde asa qaýipti «Delta» shtamynyń taralýy men karantındik ta­lap­tardyń saqtalmaýynan ko­ronavırýs pen pnevmonııaǵa shal­dyqqandar sany kúrt ós­ken. Máselen, byltyr osy ýaqyt­ta orta eseppen 5 830 jaǵ­daı tirkelse, bıylǵy kór­setkish 7 767-ge jetken. Kún saıyn koronavırýs ınfek­sııa­syn juqtyrǵan 400-den asa naýqas anyqtalýda. Qazir 1,5 myńdaı adam ınfek­sııa­lyq stasıonarlarda oqshaý­lan­ǵan. Onyń ishinde 102 júk­ti áıel, jas bosanǵan 4 ana men 18 jasqa deıingi 13 ba­la bar. Ambýlatorııalyq em qa­byl­dap jatqandar sany 4 myń­ǵa jýyqtaǵan. Jansaqtaý bóli­minde 80 adam aýyr halde ja­tyr.

– Sońǵy tórt kúnde ko­ro­­­na­vırýs ınfeksııasynan 24 adam qaıtys boldy. Bári­mizdiń salǵyrttyǵymyz qaı­t­ys bolǵandarǵa, aýrýhanada jatqan jandarǵa sebep bolýy múmkin. Toı men sadaqany toq­tatpaý, sanıtarlyq talap­tar­ǵa qatysty qarapaıym qaǵı­dalardy oryndamaýdyń sońy úlken ókinishke ulasýda. Olaı deı­tinim, naýqastardyń basym kóp­shiligi qaýipti ınfeksııa­ny toı-tomalaq, sada­qa, adam kóp júretin qoǵamdyq oryn­dar men meıramhana-dámha­nalardan juqtyrǵany anyq­tal­dy. Búgin sadaqa, toı ótkiz­gen otbasynda kelesi ap­­tada ja­naza shyǵarylýy áb­den múm­kin, – deıdi M.Dos­mu­hambetov.

Ákimniń aıtýyna qaraǵan­da, aýrýhanalarda bos oryn azaıǵan. Keıbir aýrýhanalar ınfeksııalyq stasıonarǵa aınaldyrylyp jatyr. Alaıda mundaı májbúrlik sozylmaly syrqaty bar turǵyndardyń josparly emdelýine kesirin tıgizedi. Medısınalyq qyz­metkerlerdiń júktemesi artyp otyr. Tipti koronovırýs ınfeksııasyn juqtyrýdyń kó­beıýinen jataqhanalardan qosymsha ınfeksııalyq oryndar daıyndaý qajettigi týyndady.

– Bizge ár turǵynnyń ómi­ri men qaýipsizdigi qymbat. Bi­reý­diń jaýapsyzdyǵy úshin ekinshi bir adamnyń ómirine qaýip tónbeýi kerek. Koronavırýs ınfeksııasynan qutylatyn jalǵyz jol – vaksına saldy­rý. Ártúrli qaýeset taratýshylar turǵyndardyń densaýlyǵyna kepil bola almaıdy. Byltyr­ǵy jaǵdaıdan sabaq aldyq, tájirıbe jınadyq. Eń bas­ty-
sy, saqtyq pen tártip kerek, – deıdi M.Dos­muhambetov.

Degenmen Atyraýda jal­ǵan vaksına pasportyn jasa­ǵan medbıke anyqtalyp otyr. Bul týraly áýeli oblystyq den­saýlyq saqtaý basqarma­sy basshysynyń orynbasary Qaısar Abdalıev málim etti.

– Qazir jalǵan vaksına pas­portyn jasaýǵa jol ber­meý úshin barlyq ekpe beke­tin­de beınebaqylaý kamerala­­ry ornatyldy. Medısına qyz­metkerlerine túsindirý ju­mys­tary júrgizildi. So­ǵan qa­ramastan Atyraý qala­syn­daǵy emhanalardyń birin­de medbıkeniń jalǵan vaksına pas­portyn jasaǵany anyq­tal­dy. Bul – jemqorlyq qana emes, halyqtyń densaýlyǵy­na qa­ýip tóndirgen áreket, – deıdi Q.Abdalıev.

Al oblystyq polısııa de­partamenti baspasóz qyz­­me­tiniń málimetine súıen­sek, 31 shildede tártip saq­shy­­lary oblystyq ákim­dik jáne prokýratýra qyzmet­ker­lerimen birge jedel izdesti­rý is-sharasyn júrgizgen. Sol kez­de jalǵan vaksına pasportyn jasaý kú­digine ilingen 40 jastaǵy med­bıkeni ustaǵan.

– Aq halatyna daq túsirgen medısına qyzmetkeri egov.kz aqparattyq júıesine koronavırýs ınfeksııasyna qarsy vaksına alý týraly aqparatty naqty egilmegen adamdardyń atyna aqshalaı syıaqy úshin engizýmen aınalysqan. Kúdikti jalǵan aqparat engizý úshin 10 myń teńge alǵanyn moıyndady, – dep habarlady depar­tamenttiń baspasóz qyzmeti.

Qazir ustalǵan medbıke­ge qatysty Qylmystyq Kodeks­tiń 206-babynyń 1-bóligimen sot­qa deıingi tergeý júrip ja­tyr.

Atyraý oblysy