Qoǵam • 02 Tamyz, 2021

IIM ınternet-alaıaqtyqtyń eń keń taralǵan túrin atady

25 ret kórsetildi

Jyl basynan beri ınternette 11 myńnan astam alaıaqtyq jasalǵan. Bul týraly brıfıngte QR IIM Tergeý departamentiniń bastyǵy Sanjar Ádilov málimdedi, dep habarlaıdy Egemen.kz.

«Jyl basynan beri ınternette 11 myńnan astam alaıaqtyq jasaldy. Osyndaı alaıaqtardyń aldyn alý úshin mınıstrlik turǵyndar arasynda keń kólemdi aqparattyq-túsindirý jumystaryn júrgizip jatyr. Máselen, aǵymdaǵy jyldyń basynan beri buqaralyq aqparat quraldarynda alaıaqtardyń ádisi men shemalary, qaýipsizdik sharalaryn saqtaý týraly myńnan astam materıal, onyń ishinde beınematerıaldar men press-relızder jarııalandy. Aqparattandyrý jáne baılanys salasyndaǵy qylmystarmen, sondaı-aq aqparattyq tehnologııalardy qoldana otyryp jasalatyn qylmystarmen kúresýdiń 2021-2022 jyldarǵa arnalǵan baǵdarlamasy júrgizilip jatyr. Baǵdarlamany iske asyrý jospary uıymdastyrýshylyq, praktıkalyq jáne aldyn alý sharalaryn qamtıdy. Aýmaqtyq departamentterde ınternet-alaıaqtyqty ashý úshin mamandandyrylǵan jedel-tergeý toptary quryldy», dedi S.Ádilov.

Onyń aıtýynsha, Ishki ister mınıstrligi Qarjylyq monıtorıng agenttigimen birlese otyryp, nesıe berý, bank jáne telefonmen aqsha aýdarý salasyndaǵy alaıaqtyqtyń aldyn alý boıynsha qajetti sharalar keshenin qabyldap jatyr.

Aǵymdaǵy jyldyń jeti aıynda osy sanattaǵy qylmystyq ister boıynsha sotqa deıingi tergeý barysynda jábirlenýshilerdiń bir mıllıard teńgeden astam aqshasy ótelgen. 

S.Ádilov atap ótkendeı, ınternette eń keń taraǵan alaıaqtyq – jelidegi jarnama arqyly aldyn ala tólem alý. Mundaı qylmystarǵa onlaın tapsyrys berilgen taýarlardy jetkizbeý, tapsyrys berilgen qyzmetterdiń oryndalmaýy jatady.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar