Ekonomıka • 03 Tamyz, 2021

Shaǵyn jáne orta bıznesti qoldaýǵa 400 mıllıardtan astam teńge bólindi

5016 ret kórsetildi

Qazaqstan Respýblıkasynyń Premer-Mınıstri Asqar Mamın shaǵyn jáne orta bıznesti qoldaýǵa qatysty birqatar tapsyrma berdi, dep habarlaıdy Egemen.kz.

«Shaǵyn jáne orta bıznesti damytý - ekonomıkanyń turaqtylyǵyn qamtamasyz etýdegi mańyzdy faktorlardyń biri. Birinshi jartyjyldyq qorytyndysy boıynsha «Qarapaıym zattar» Ekonomıkalyq baǵdarlamasy aıasynda 142 mıllıard teńgeniń 334 jobasy qarjylandyryldy. Aǵymdaǵy jyldyń sońyna deıin 424 mıllıard teńgeniń 724 jobasyn qoldaý josparlanyp otyr», dedi Asqar Mamın Úkimet otyrysynda.

Onyń aıtýynsha, aǵymdaǵy kezeńde «Bıznestiń jol kartasy -  2025» baǵdarlamasy boıynsha jalpy somasy 492 mıllıard teńgege 23 myńǵa jýyq joba qoldaý tapty.

«Aǵymdaǵy jyldyń sońyna deıin quny shamamen 1,2 trln teńgeni quraıtyn 32 myńǵa jýyq jobaǵa qoldaý kórsetiledi. Osy eki baǵdarlama aıasynda 90 myńǵa jýyq jumys orny ashylady. Kásipkerlikti qoldaýdyń eń suranysqa ıe baǵyttary - saýda, qyzmet kórsetý, óndiris, kólik jáne qoımalaý, sondaı-aq qurylys», dedi Premer-Mınıstr.

Búgingi kúni baǵdarlamalar aıasynda kásipkerlerdi qoldaýǵa baǵyttalǵan 1 teńge sýbsıdııa salyq túrinde alty eseden astam somada bıýdjetke qaıtarylady.

«Úkimettiń «Atamekenmen» birge qabyldaǵan pandemııa jaǵdaıynda bıznesti qoldaýdyń daǵdarysqa qarsy sharalary óziniń tıimdiligin kórsetti. Osy baǵdarlamalar aıasynda josparlanǵan sharalar jyl sońyna deıin tolyq oryndalýy tıis», dep qorytyndylady Úkimet basshysy.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar