Aımaqtar • 03 Tamyz, 2021

Megapolıste 241 bala emdelip jatyr

42 ret kórsetildi

Bul kúnde bir ǵana táýlikte Almatyda indetke shaldyqqandar sany 1 500-den asyp jyǵylyp jatqany belgili. Endigi jerde koronavırýstyń «Delta» shtamy kóbine ekpe saldyryp úlgermegen jastarǵa, tipti emizýli balalarǵa juǵyp jatqany tosyn jańalyq emes. Vırýs juqtyrǵandardyń 37%-y 20-40 jas aralyǵyndaǵylar ekenin Almaty qalalyq sanıtarlyq-epıdemııalyq baqylaý basqarmasy málimdedi.

Koronavırýstyń jańa túrin juq­tyrǵandarda aýrýdyń sımptom­da­ry ózgergen. Naýqastardyń ıis, dám sezbeýge degen shaǵymdary azaıyp, aýrýdyń basqa zalaldaryn baı­qaǵandar kóbeıdi. Koronavırýs juqtyrǵandar arasynda asqazan-ishek keselderi asqynǵan.

«Sońǵy eki aptadaǵy jas qury­ly­myn taldaý jasóspirimder arasynda KVI taralýynyń úlesi 0,7%-ǵa, al 40-59 jastaǵy azamattar arasynda 0,8%-ǵa óskenin kórsetti. Negizinen, koronavırýs juqtyrý 20-40 jas aralyǵyndaǵy jastardyń – 37%, 40-59 jastaǵy azamattardyń – 25%, 60 jastan asqan adamdardyń – 19% jáne 14 jasqa deıingi balalardyń 13% úlesinde kezdesedi», deıdi Sanıtarlyq-epıdemııalyq baqylaý departamenti basshysynyń orynbasary Ásel Qalyqova.

Indet oshaqtary nemese qala ma­ńyna qydyrýlar kezinde ınfek­sııa­lardyń ósýi – 2%, demalys saıabaqtary men jaıaý júrginshiler kóshelerinde – 1%, bankterde, poshta bólimsheleri men halyqqa qyzmet kórsetý ortalyqtarynda – 0,9%, dári­hanalarda – 0,9%, otbasylyq shara­larǵa qatysqanda – 0,7%, qoǵam­dyq tamaqtaný oryndarynda – meıramhanalar, kafeler men túngi klýbtarda 0,2%-ǵa kóbeıdi.

Almatyda tek shilde aıynda juqtyrǵandar sany 25 500-den assa, jyl basynan beri indetke shal­dyqqandar 82 myńǵa jetti.

Aıtýǵa qıyn bolsa da, qala epı­de­­mıo­­logteri tamyz aıynda KVI ınfek­sııasyn 34,5 myń, al qyr­kúıek­te 4,5 myńdaı adam juqtyrady degen boljam aıtyp otyr. Bir apta ishinde Almatyda KVI aýrýyn tirkeý 1,5 esege ósti – 6 397-den 9 852 jaǵdaıǵa deıin, kúndelikti ósim 1,7%-dy qu­ra­dy. О́tken aptaǵa qaraǵanda sımp­tomdy naýqastar úlesi 90%-dan 92%-ǵa ósti.

«Búgin biz jastar arasynda dert­tiń asqynǵanyn jáne asa aýyr jaǵ­daılardy tirkep otyrmyz. Bul vı­rýs­tyń jańa, juqpaly shtamdaryna baılanysty. Infeksııa tez taralady jáne jıi aýyr asqynýǵa ákeledi. Onyń taralýyn toqtatýdyń, tur­ǵyndardyń densaýlyǵy men ómi­rin saqtap qalýdyń jalǵyz joly – koro­navırýsqa qarsy vaksınalaý», deıdi SEDB ókili.

Megapolıstiń osyndaı jaǵdaıǵa dýshar bolýyna toı-tomalaǵyn doǵar­maı otyrǵan turǵyndardyń ózde­ri de sebepshi, kásipkerlerdiń de «úlesi» bar. Máselen, Almatyda Ashyq «kóshbasshylary» men «aýt­saıderleriniń» jańa tizimin jarııa­laý­ǵa májbúr.

Almaty qalalyq Kásipkerler pala­tasynyń dırektory Aıtýar Qosh­mambetovtiń aıtýynsha, bıznes qaýym­dastyǵy indetti aýyzdyqtaý úshin barlyq múmkindikti paıdalanady desek te, keıbir kásip­ker­ler kelýshilerdi skanerleýde ja­ýap­syzdyq tanytady. Qazirdiń ózinde 900-den asa aýtsaıder bar.

Degenmen Ashyq-pen jumys istegisi keletinderdiń sany kún sa­­ıyn artyp otyr. Eger maýsymnyń basynda 1 700 qatysýshy bolsa, búginde olardyń sany 6 419-ǵa jetken. Aıtýar Qoshmambetov Almatyda jeke kásipkerlerdiń 37 paıyzdan astamy jobaǵa qosylǵanyn aıtty. Ádette, qoǵamdyq tamaqtaný men qonaqúılerdiń ıeleri barynsha bel­sendilik tanytýda. Bul rette jobaǵa eń kóp qatysýshyny tirkegen qyzmettiń TOP-5 túri anyqtaldy. Bul – 22 242 qoǵamdyq tamaqtaný obektisi, 1 117 bazar, SOO, saýda ortalyqtary, 835 sulýlyq salony, shashtaraz, 491 balalardy saýyqtyrý ortalyǵy jáne ıoga ortalyqtaryn qosqanda 426 fıtnes-klýb.

«Bıylǵy 30 shildede biz ákimdiktiń saıtyndaǵy tizimderdi jańarttyq, onda jaýap­syz qatysýshylar da, joba kóshbasshylary da kórsetilgen. Ashyq jobasynda barlyǵy 152 kóshbasshy bar. Biz barlyq aqparatty apta saıyn Sıfrlyq damý, ınnovasııalar jáne aeroǵarysh ónerkásibi mınıstrliginen alamyz. Eger jobaǵa qatysýshylar óz min­dettemelerin oryndamasa, olar shy­ǵarylady jáne preferensııalarmen jumys isteý múmkindiginen aıyrylady. Eki aptanyń nátıjesi bo­ıynsha Al­­ma­tydan 61 qatysýshy jobadan shy­ǵa­ryldy», dedi A.Qosh­mam­betov.

Epıdemıologterdiń málimeti bo­ıynsha, Almatyda Ashyq skaner­le­ýiniń arqasynda ózin ózi oqshaýlaý rejimin buzǵan 170 adam anyqtaldy. Olardyń barlyǵy ákimshilik jaýap­ker­shilikke tartyldy.

 

ALMATY

 

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar